အေးချမ်းမွန်မှ တုနှိုင်းမဲ့ မိဘကို ချစ်မြတ်နိုးသူများ တွင်ဖော်ပြသော သတင်းကို မူရင်းအတိုင်းမျှဝေခြင်းဖြစ်ပါသည် https://www.facebook.com/excellencemedia

အလွန်တရာမှ လေးနက်သော မေတ္တာဓာတ်တို့ဖြင့် သားသမီးများကို ဖြစ်စေတတ်သော်ကြောင့် မိဘများကို "ဇနေတ္တိ" ခေါ်ပါတယ်။ လင်္ကာလေးက "၀မ်းနှိုက်ဝယ်ကြင်၊ ဖွားသန့်စင်၊ ခေါ်တွင် ဇနေတ္တိ" ကြင်ကြင်နာနာ ကရုဏာဖြင့် ဖွားမြင်အောင် ဆောက်ရွက်တတ်သောကြောင့်လည်း ဇနေတ္တိ မည်ပါတယ်။ ဖွားမြင်ပြီးပြန်တော့လည်း အလိုမကျဖြစ်၍ ငိုကြွေးနေသော သားငယ် သမီးငယ်တို့ကို ရင်သွေးဆိုတဲ့ နို့ချိုတိုက်ကျွေးခြင်းဖြင့်လည်းကောင်း၊ ထွေးပိုက်ချော့မြူ၍လည်းကောင်း၊ နမ်းရှုတ်ဗူးဗူးမှုတ်ပေးခြင်းဖြင့်လည်းကောင်း၊ သီချင်းဆိုပြ၍လည်းကောင်း၊ အစား အစာဖြင့်လည်းကောင်း၊ ကစားစရာဖြင့်လည်းကောင်း နှစ်သိမ့်စေတတ်သောကြောင့် "တောသေန္တိ"မည်ပါတယ်။ လင်္ကာလေးက "ရင်သွေးဖြင့်ပင်၊ နှစ်သိမ့်ကြင်၊ ခေါ်တွင် တောသေန္တိ" သား သမီးတွေကို မြတ်နိုးသည်ကိုပြု၍ စောင့်ရှောက်တတ်သောကြောင့်လည်းကောင်း၊ မိမိနှင့် ကျင့်ရသောကြောင့်လည်းကောင်း၊ ဘေးရန်ကင်းအောင် မွေးမြူရသောကြောင့်လည်းကောင်း ပေါသေန္တိ မည့ပါတယ်။ လင်္ကာလေးက "ကြီးပွားစေချင်၊ မြတ်နိုင်းကြင်၊ ခေါ်တွင် ပေါသေန္တိ" မှက်၊ ခြင်၊ ယင်၊ နေပူ၊ လေပူ၊ မြွေ၊ ကင်း၊ သန်းတို့မှ ကင်းဝေးစေခြင်းအကျိုးငှါ မြတ်နိုးကြင်နာစွာ မွေးမြူတတ်သောကြောင့်လည်း ပေါသေန္တိ မည်ပါတယ်။ သား သမီးများအတွက် မစားရက်၊ မသောက်ရက်၊ မသုံးရက်ဘဲ ပစ္စည်းဥစ္စာတွေကို စုဆောင်း၍ မေတ္တာဖြင့် လုံလုံခြုံခြုံ ထိန်းသိမ်းစောင့်ရှောက်တတ်သောကြောင့် ဂေါပေန္တိ မည်ပါတယ်။ လင်္ကာလေးက "အမွေနှစ်လျှင်၊ လုံစေချင်၊ ခေါ်တွင် ဂေါပေန္တိ" "မိဘနှစ်ပါး၊ လုပ်ကျွေးငြား၊ မှတ်သားမင်္ဂလာ" ဆိုတဲ့အတိုင်း မင်္ဂလာတော်နှင့်အညီ မိဘနှစ်ပါးကို လုပ်ကျွေးကြရပါမည်။ ဤကဲ့သို့ ဂုဏ်အင်္ဂါငါးပါးဖြင့် ပြည့်စုံသော မိဘများအား အသိဥာဏ်ရှိသော လူမျိုးတိုင်း ဘာသာအသီးသီးမှ သား သမီးများသည် လုပ်ကျွေးပြုစုထိုက်ပေးသည်။ လုပ်ကျွေးပြုစုနိုင်ကြပါစေလို့ တိုက်တွန်းလျက်........ ရှင်သုခ (မင်းလှ) ၂၆-၀၁-၁၃

လောကမှာ လူသားတိုင်းသည် မိဘများကို ပြုစုလုပ်ကျွေးကြရမည်ဖြစ်သည်။ အဘယ်ကြောင့်ဆိုသော် သားသမီးဆိုတာ မိဘမရှိရင် ဖြစ်မလာနိုင်ပေ၊ သစ်ပင်သည် ရေမြေကင်းလျက် အသက်မရှင်နိုင် မဖြစ်နိုင်သလို သက်ရှိဖြစ်တဲ့ လူ၊ တိရစ္ဆာန်များလည်း မိဘကင်း၍ မဖြစ်နိုင်ဘူးဆို ငြင်းစရာမရှိပေ။ သို့အတွက်ကြောင့် အဲဒီလောက်ကျေးဇူးများသော မိဘများကို လုပ်ကျွေးထိုက်ပေသည် မပျက်မကွက် လုပ်ကျွေးကြရမည်သာ ဖြစ်သည်။ ထို့ကြောင့် ၂၆-၀၁-၁၃ စနေနေ့မှာ ကျရောက်မည့် အမေ့နေ့အတွက် "မာတာပိတု ဥပဋ္ဌာနမင်္ဂလာကို တင်ပြလိုက်ပါသည်။ ဘာသာတရားတိုင်းက ဆုံးမတဲ့ အဆုံးအမအတိုင်း လူသားတိုင်း လူသားတိုင်း မိဘကို လုပ်ပေကျွးရမယ်၊ အကျိုးရှိ အကျိုးမရှိကို သိတတ်သောကြောင့် လူ၊ တိရစ္ဆာန်များကြတော့ သုံးခုပဲသိတယ် အိပ်မယ်၊ စားမယ်၊ ကာမဂုဏ်ခံစားမယ်ဆိုတာပဲ သိတယ်။ အဲဒီတော့ အသိဥာဏ်ရှိတဲ့ လူသားတွေက မိဘကို လုပ်ကျွေးကြတယ်၊ မိဘကို မလုပ်ကျွေးဘူးဆိုတဲ့ သားသမီးကြတော့ တိရစ္တာန်နဲ့ တူသွားပြီ၊ မိမိသည် လူလား၊ တိရစ္ဆာန်လားဆိုတာ ကွဲကွဲပြားပြား သိတတ်ရမယ်၊ အဲဒီတော့ လင်္ကာလေးက "မိဘနှစ်ပါး၊ လုပ်ကျွေးငြား၊ မှတ်သားမင်္ဂလာ" မိရင်း ဘရင်းကို လုပ်ကျွေးကြခြင်းသည် ကောင်းမြတ်သော မင်္ဂလာမည်ပါသည်။ အဘယ့်ကြောင့် မိဘတွေကို လုပ်ကျွေးထိုက်သလဲဆိုတော့ "သားသမီးဆိုတဲ့ အသီးအပွင့်တွေကို လိုလားကြတဲ့ မိဘနှစ်ပါတို့သည် နတ်တွေကိုလည်း ရှိခိုးကြတယ်"၊ ဘုရားမပွင့်မှီအခါက သုဇာတာသူဌေးသမီးသည် ညောင်ပင်အား သားဆုတောင်းပြီး ပူဇော်ရှိခိုးခဲ့ဘူးသည်။ တနေ့မှာ မြတ်စွာဘုရားနှင့်တွေ့ပြီး ဆွမ်းကပ်၊ မြတ်စွာဘုရားလောင်းလည်း အဲဒီဃနာနို့ဆွမ်းကို ဘုဉ်းပေးပြီး ဗောဓိပင်အောက်မှာ တရားကျင့်၍ ဘုရားအဖြစ်သို့ ရောက်တော်မူခဲ့ပါသည်။ ဗေဒင် နက္ခတ်တွေလည်း မေးကြရတယ်၊ ငါ့ရဲ့ ၀မ်းကြာတိုက်မှာ ကိုယ်ဝန်တည်လာတဲ့ သား သမီးလေးသည် ဘယ်လိုသားသမီးများလည်း နက္ခတ်မေးကြတယ်။ အဇာတသတ္တု ကိုယ်ဝန်ယူတုန်းက ညအချိန်မှာ လက်နက်တွေ အရောင်တ၀င်းဝင်းလက်တယ်ဆိုတဲ့ ဟောကြားတော့ ဒီကလေးသည် လက်နက်အားကိုးပြီး မိဘကို နှိပ်စက်လိမ့်မယ်၊ ဇောတိကသူဌေး ကိုယ်ဝန်တည်တော့ ရွှေငွေကျောက်သံ ပတ္တမြားတွေ ၀င်းဝင်းလက်တော့ ချမ်းသာကြွယ်ဝခဲ့တယ်၊ အဲဒီကဲ့သို့ ငါ့သား ငါ့သမီးလေးတွေကို ချမ်းသာစေတယ် နက္ခတ်ကောင်းနဲ့ မွေးစေခြင်တယ်ဆိုတဲ့ မေတ္တာစိတ်တွေကို လုပ်ကျွေးခြင်းငှါ ထိုက်ပါပေသည်။ သို့အတွက်ကြောင့် ပါဌိတော်မှာ အမိကို "သုဟဒ, သုဟဒယ" အလွန်ကောင်းသော စိတ်နှလုံးကောင်းရှိသူလို့ အဓိပ္ပါယ်ရပါတယ်၊ မိဘများသည် အခြားသူတွေ အပေါ်မှာ ကောင်းခြင်ကောင်း မကောင်းခြင်နေ၊ မိမိရဲ့ သားသမီးများအပေါ်မှာတော့ သားဆိုးသမီးဆိုးဖြစ်ပါစေ အလွန်ကောင်းမွန်တဲ့ စိတ်နှလုံးရှိပါတယ်။ ကိုယ်ဝန်ကို ကိုးလလွယ် ဆယ်လကြားမှာ မဖွားခင် ငါ့သား ငါ့သမီးတွေ ကျန်းကျန်းမာမာ ဖွားမြင့်စေခြင်းငှါ မိမိအဆင်းရဲခံပြီးတော့ စားချင်တာ မစားရ၊ ထိုင်ချင်သိလို မထိုင်ရဘဲ အလွန်ကောင်းမြတ်တဲ့ ကရုဏာ မေတ္တာဓာတ်တွေဟာ အမြဲတန်းဖြစ်နေတယ်။

“ ပညာဆိုသည်မှာ စာအုပ်စာတမ်းဖတ်၍ သိသမျှကို ပညာဟုမဆိုပေ။ ပညာသည် အတိုင်းအဆမထင် အလွန်ကျယ်ပြော နက်နဲလှပေသည်။ ကမ္ဘာရှိစာအုပ်အားလုံး ပင်လျှင် ပညာအားလုံးကို ဖော်ပြခြင်းငှာ မတတ်နိုင်ပေ။ ပညာအားလုံးကို လောက ပြင်ကျယ်တည်းဟူသော အကြီးဆုံးကျောင်း ၌သာ တွေ့ရှိနိုင်လေသည်။ ထို လောကပြင်ကျယ်တည်းဟူသော အကြီးဆုံးကျောင်း၌ ကျွန်ုပ်တို့သည် ပုခက်တွင်းမှသည် မြေကြီးထဲသို့ရောက်သည့် အချိန်အထိ ပညာသင်သားများဖြစ်ကြလေသည်။ ” ( သခင်အောင်ဆန်း )

ဒီဆောင်းပါးလေးဟာ အလွန်ကောင်းမွန်တဲ့ ကျန်းမာရေးနဲ့ပက်သက်တဲ့ ဆောင်းပါးလေးပါ။ ထမင်းစားပြီးတိုင်း ရေနွေးသောက်ဖို့သတိပေးတာ တခုတည်း မဟုတ်ပဲ နှလုံးခုန် ရုတ်တရက်ရပ်တန့်စေတဲ့ ရောဂါကိုလဲ သတိပေးရာ ရောက်ပါတယ်။ တရုတ်လူမျိုးနဲ့ ဂျပန်လူမျိုးတွေဟာ ထမင်းစား နေစဉ်မှာ ရေနွေး သောက်သုံးတဲ့ အလေ့ ရှိကြပါတယ်။ ရေအေး ( ရေခဲရေ သောက်သုံးလေ့ ) မရှိကြပါဘူး။ ခုချိန်မှာတော့ သူတို့ဆီက ထမင်းစားစဉ် ရေနွေးသောက်သုံးတဲ့ အလေ့အထကို ကျွန်တော်တို့တွေပြောင်းလဲ ကျင့်သုံးသင့်ပါတယ်။ ခုဆောင်းပါးလေးကတော့ ထမင်းစားပြီးတော့ ရေခဲရေ သောက်သုံးသူတွေအတွက်တော့ သက်ရောက်မှု့  ရှိပါတယ်။ (ကျွန်တော်ပေါ့ဗျာ။) တကယ်တော့ ထမင်းစားပြီးတော့ ရေခဲရေ ဒါမှမဟုတ် အအေးတခုခု သောက်သုံးလိုက်ခြင်းဟာ အတော်လေး အရသာ ရှိပါတယ်။ ဒါပေမယ့်လည်း ရေခဲရေက နေပြီးတော့ မကြာခင်ကမှ စားသုံးထားတဲ့ အစာတွေကို ဆီခဲတွေလို အစိုင်အခဲ အဖြစ်သို့ရောက်စေ ပါတယ်။ ပြီးတော့ အဖတ်တွေကလဲ အက်စစ်အဖြစ် တုန့်ပြန်ပြီးတော့ အဲတာတွေကို ဖြိုခွဲပြီးတော့ အူနံရံတွေက နေပြီး အခဲ အစာတွေထက် ပိုမိုလျှင်မြန်စွာ စုပ်ယူပါလိမ့်မယ်။ အဲတာတွေဟာ အူထဲမှာသွားပြီးတော့ စီတန်းနေပါပြီ။ မကြာခင်ပဲ အဲတာတွေဟာ အဆီခဲအဖြစ် ပြောင်းလဲသွားပြီးတော့ ကင်ဆာရောဂါကို ဖြစ်စေဖို့ဦးတည်နိုင်ပါတယ်။ အကောင်းဆုံးကတော့ အစာ စားပြီးတိုင်းမှာ စွပ်ပြုပ်ပူပူလေးဖြစ်ဖြစ် ရေနွေးကြမ်းဖြစ်ဖြစ် သောက်သုံးသင့်ပါတယ်။ (အရေးကြီးတဲ့နှလုံးခုန် ရုတ်တရက်ရပ်တာမျိုး- သင်သိသင့်တာကတော့ နှလုံးခုန် ရုတ်တရက်ရပ်တန့်တဲ့ လက္ခာတွေ အားလုံးမှာ ဘယ်ဖက်လက်မောင်း ကိုက်ခြင်းမျိုး မဟုတ်ပါ။ မေးရိုးတလျှောက် နာကျင်လာခြင်းဟာလဲ သတိထားသင့်ပါတယ်။) (နှလုံးခုန် ရုတ်တရက်ရပ်တန့်စဉ်အတွင်းမှာတော့ သင်ဟာဘယ်တော့မှ ပထမ ရင်ဘတ်နာခြင်းကိုခံစားရမှာ မဟုတ်ပါဘူး။ ဖျားနာခြင်းနဲ့ ချွေးထွက်လွန်ခြင်းတွေဟာလည်း အများဆုံးလက္ခဏာတွေ ပါပဲ။ ၆၀ ရာနှုန်းသော နှလုံးခုန်ရုတ်တရက် ရပ်တန့်ကြတဲ့သူတွေဟာ အိပ်ပျော်နေယင်းကနေပြီး ပြန်လည်နိုးထလာခြင်း မရှိတော့ပါဘူး။ မေးရိုးနာကျင်မှု့က သင့်ကို နိုးထအောင် လုပ်နိုင်ပါတယ်။ ကျွန်တော်တို့တစ်တွေ ဂရုပြုပြီးတော့ သတိထားရမှာပါ။ အဲတာတွေက ကျွန်တော်တို့ ဆက်လက် အသက်ရှင်ရပ်တည်ဖို့ အခွင့်အရေးကောင်း ဖြစ်ပါတယ်။ (နှလုံးရောဂါ အထူးကုတစ်ယောက်က ပြောတာက ဒီစာကိုဖတ်မိသူ တစ်ယောက်ကနေပြီးတော့ နောက်ထပ် (၁၀)ယောက် ကို ဆက်ပေးပို့မယ်ဆိုယင် သင်နဲ့ကျွန်ုပ်တို့ဟာ အနည်းဆုံးအသက်တစ်ချောင်းကို ကယ်ဆယ်နိုင်မှာ ဖြစ်ပါတယ်။ ဒီဆောင်းပါးလေး ကိုဖတ်ပါ။ ပြီးတော့ မိတ်ဆွေတစ်ယောက်ဆီကို ပို့ပေးလိုက်ပါ။ ဒီလုပ်လုပ်ခြင်းဟာ အသက်တစ်ချောင်းကို ကယ်ဆယ်ခြင်းမျိုးဖြစ်ပါတယ်။ ဒါကြောင့် မိတ်ဆွေကောင်းအဖြစ်နဲ့ သင့်သူငယ်ချင်းများ၊ မိတ်ဆွေများကို ဒီဆောင်းပါးလေးနဲ့ အတူ ဂရုတစိုက်ရှိဖို့ပးပို့ဖစ်အောင် ပို့ပေးလိုက်ပါဗျာ။ (ကျေးဇူးတင်ပါတယ်)။ လမင်းမောင်မှ တဆင့် ကူးယူဖေါ်ပြပေးလိုက်ပါတယ်။ ။

နည်းလမ်း(၁)။ ။တနေ့လုံး ရေသောက်တဲ့ပမာဏက ရေဖန်ခွက် ၈ခွက်မှ-၁၀ဖန်ခွက်နီးပါးရှိပါစေ။ ဒီလောက်ပမာဏကို ရေသောက်ပေးမှသာ အူလမ်းကြောင်းက အလုပ်ကောင်းကောင်း လုပ်နိုင်မှာဖြစ်ပါတယ်။ ညဘက်မှာရေတစ်ဘူးကိုအိပ်ရာဘေးထား အိပ်ပြီး နံနက်အိပ်ရာကနိုးတာနဲ့ သောက်ပေးပါ။ နည်းလမ်း၂။ ။အိပ်ရာမ၀င်ခင်နွားနို့တစ်ဖန်ခွက်ထဲ ထောပတ်လက်ဖက်စားဇွန်းတစ်ဇွန်းခန့် ထည့်ပြီးသောက်ပေးပါ။ဝမ်းချုပ် တာကိုသက်သာစေပါတယ်။ နည်းလမ်း၃။ ။နံနက်စောစောရေနွေးကြမ်း ဖန်ခွက်၂ခွက်မှ -၃ ဖန်ခွက်လောက်သောက်ပြီး လမ်းလျှောက်ပေးပါ။ ဒါဆိုရင်အူလှုပ်ရှားမှုကောင်းကာ ဝမ်းသွားစေပါတယ်။ နည်းလမ်း (၄)။ ။သင်စားတဲ့အစာ(နံနက်စာ၊နေ့လည်စာနဲ့ညစာ)ထဲမှာလတ်လတ်ဆတ်ဆတ်သစ်သီးတွေနဲ့ အစိမ်းရောင်ဟင်းသီးဟင်းရွက်တွေပါဝင်ပါစေ။ သင်္ဘောသီး၊ခရမ်းချဉ်သီးတွေက ဝမ်းချုပ်တာကိုသက်သာစေပါတယ်။ နည်းလမ်း(၅)။ ။ပန်းသီးကလည်းဝမ်းချုပ်နေရင်စားသင့်တဲ့အသီးပါ။နံနက်ခင်းတိုင်းပန်းသီး၂လုံး စားပေးပါ။ ပန်းသီးစိတ်ကို သေချာကြိတ်ဝါးပြီးစားပေးရင်ဝမ်းမှန်မှန်သွားစေပါတယ်။ နည်းလမ်း(၆)။ ။ဝမ်းချုပ်နေသူတွေအတွက်အလွယ်ကူဆုံးအိမ်တွင်းကုထုံးကတော့ သံပရာရည်၊ရှောက်ရည် တစ်ဖန်ခွက်ထဲကို ဆားအနည်းငယ်ထည့်ပြီး သောက်တာပဲဖြစ်ပါတယ်။ နည်းလမ်း(၇)။ ။သင်္ဘောသီး၊ မာလကာသီးတွေကလည်း ဝမ်းချုပ်တာကိုကုသပေးနိုင်ပါတယ်။ နံနက်ခင်း ဘာအစာမှ မရှိတုန်းသင်္ဘောသီးပုံမှန်စားပေးတာက ဝမ်းချုပ်တာကိုကင်းဝေးစေပါတယ်။ နည်းလမ်း(၈)။ ။နံနက်စောစောမှာရေနွေးပူပူထဲသံပရာညှစ်ထည့်ပြီးသောက်ပေးရင် ဝမ်းချုပ်တာကို ကင်းစေကာ စိတ်ရောကိုယ်ပါ လန်းဆန်းနေပါလိမ့်မယ်။ Myawady News သတင်းစုဗူး (ဒေါက်စံ ဖေ့စ်ဘုတ်မှ တဆင့်ကူးယူဖေါ်ပြပါသည်)။

ဤစာကို သေချာစွာ မပျက်မကွက် ဖတ်သင့်ပါတယ် ။ ကျနော် အပါအ၀င် လူ 90% လောက်က နားနဲ့ ပက်သက်ပြီး ဗဟုသုတ နဲကြပါတယ်လေ၊ နားတွေမှာ သူဘာသာသန့်စင်စေခြင်းနဲ့ သူဘာသာ ကာကွယ်နိုင်ခြင်းဆိုတဲ့ သဘာဝသတ္တိရှိပြီးသားပါ။ ဒါ့ကြောင့် နားတွေကို မမှန်ကန်တဲ့ နည်းတွေနဲ့ သန့်စင်ဆေးကြောမှု ပြုလုပ်တဲ့အခါ နားမှာ ထိခိုက်ဒဏ်ရာရခြင်းနဲ့ နားတွင်း ကူးစက်ပိုးဝင်ခြင်းဆိုတဲ့ ပြဿနာတွေ ဖြစ်စေနိုင်ပါတယ်။ ( ၁ ) နားဖာချေးကို မကလော်ပါနဲ့ နားဖားချေးတွေဟာ နားရဲ့သူ့ဘာသာ သန့်စင်စေတဲ့ လုပ်ငန်းစဉ်ကို ကောင်းကောင်း အလုပ်လုပ်နိုင်အောင် ဆောင်ရွက်ပေးပါတယ်။ နားဖာချေးတွေဟာ ဆိုးဆိုးဝါးဝါးပိတ်ဆို့ မနေရင် ကလော်ပြီး မဖယ်ရှားသင့်ပါဘူး။ အပြင်နားစည်အရေပြားရှိ ဂလင်းကနေ ထုတ်ပေးလေ့ရှိတဲ့ နာဖာချေးတွေဟာ အရေးကြီးတဲ့ လုပ်ငန်းဆောင်တာတွေကို လုပ်ဆောင်နေပါတယ်။ နားစည်ရဲ့ အရေပြားကို ကာကွယ်ဖုံးအုပ်ပေးခြင်း၊ ရေကို တွန်းထုတ်ခြင်းနဲ့ နားတွင်းပိုးဝင်တာနဲ့ ထိခိုက်ဒဏ်ရာ မဖြစ်အောင် ကာကွယ်ပေးခြင်းစတဲ့ လုပ်ငန်းတွေအပြင် နားအတွင်း အရေပြားခြောက်သွေ့ ယားယံခြင်းမဖြစ်အောင် ထိန်းသိမ်းပေးပါတယ်။ ဒါ့ပြင် နားဖာချေးဟာ အပြင်ကနေဝင်လာတဲ့ ဖုန် နဲ့ ပိုးမွှားတွေကို နားစည်ထဲမရောက်အောင် သယ်ယူထားပေးပါတယ်။ အများအားဖြင့် နားဖာချေးဟာ သူ့အလိုလို ထွက်သွားလေ့ရှိပါတယ်။ ဒါပေမဲ့ တချို့လူတွေမှာတော့ အလိုလို ထွက်မသွားတဲ့အတွက် နားဖာချေးကို ကလော်ပြီး ဖယ်ထုတ်ရတတ်ပါတယ်။ (၂ ) နားစည်ထဲ ဘာမှ မထည့်ပါနဲ့ နားအတွင်းထဲကို ဝါဂွမ်းစ၊ လက်ချောင်း၊ ကလစ်လို ချွန်ထက်တဲ့ အရာတွေ မထည့်ပါနဲ့။ နားအတွင်းထဲ ပြင်ပပစ္စည်းထည့်တာဟာ နားစည်ရဲ့ နူးညံ့တဲ့ အရေပြားကို ထိခိုက်ပျက်စီးစေသလို အခန့်မသင့်ရင် နားစည်ကို ပေါက်ပြဲစေပါတယ်။ လူအများစုဟာ နားဖာချေးထွက်သွားအောင် နားထဲကို ပြင်ပပစ္စည်းထည့်ပြီး ကလော်ထုတ်တတ်ကြပါတယ်။ နားဖာချေး သိပ်မရှိဘဲ ပြင်ပပစ္စည်းဟာ နားစည်အထိရောက်သွားရင် နားကို မသက်မသာ ဖြစ်စေကာ ယာယီနားမကြားတော့တာမျိုး ဖြစ်သွားတတ်ပါတယ်။ နားစည် အရေပြားခြစ်မိခြင်းနဲ့ နှာချေးဟာ နားစည်အတွင်းထဲအထိ ရောက်ရှိသွားခြင်းတွေကြောင့် နားတွင်းကူးစက်ပိုးဝင်တဲ့ အန္တရာယ်လဲ များပါတယ်။ (၃ ) နားအတွင်းထဲ မဆေးကြောပါနဲ့ နားရဲ့ အပြင်ဘက်ပိုင်း ညစ်ပတ်နေရင် ဆပ်ပြာနဲ့ ရေစိုစွတ်နေတဲ့ နူးညံ့တဲ့ အဝတ်စသုံးပြီး ဆေးကြောပေးပါ။ ဒါပေမဲ့ နားအတွင်းထဲကိုတော့ အဝတ်စ၊ လက်ချောင်းနဲ့ တခြားဘာမှ ထည့်ပြီး မဆေးကြောပါနဲ့။ ကလေးရဲ့ နားကို ဆေးကြော သန့်စင်ပေးချင်ရင်လည်း ဝါဂွမ်းစကို ဆပ်ပြာမပါတဲ့ ရေထဲထည့်ပြီး ဆေးကြောပေးလို့ ရပါတယ်။ ဒါပေမဲ့ နားကို ခြောက်သွေ့အောင် ပြန်ပြုလုပ်ဖို့ အရေးကြီးပါတယ်။ ရေကူးတဲ့သူတွေမှာ နားခြောက်သွေ့အောင် အထူးဂရုစိုက်ဖို့ လိုပါတယ်။ တကယ်လို့ နားတွင်းပိုးဝင်ပြီး နာကျင်နေရင်တော့ ဆရာဝန်နဲ့ပြပါ။ ( ၄ ) နားထဲက ပြင်ပပစ္စည်းကို အတင်းမဖယ်ရှားပါနဲ့ လူကြီးတွေကော ကလေးတွေမှာပါ နားထဲ ပြင်ပပစ္စည်းဝင်နိုင်ပါတယ်။ လူကြီးတွေမှာတော့ နားကပ်ကျွတ်ပြီး မတော်တဆ နားထဲ ဝင်သွားတာဖြစ်တတ်ပြီး ကလေးတွေကတော့ စနောက်ချင်စိတ်၊ စပ်စုလိုစိတ်နဲ့ အခြားကလေးရဲ့နားထဲဒါမှမဟုတ် ကိုယ့်နားထဲ ပြင်ပပစ္စည်းထည့်တတ်ကြပါတယ်။ ပဲစေ့လို၊ ခဲဖျက်လို ပစ္စည်းတွေဆိုရင် သူ့အလိုလို ပြန်ထွက်သွားဖို့မလွယ်ပါဘူး။ အင်းဆက်ပိုးမွှားတွေလည်း နားထဲရောက်ပြီး ပိတ်မိနေတာမျိုး ရှိတတ်ပါတယ်။ အဲဒီအချိန်မှာ ကိုယ့်ဘာသာ ပြင်ပပစ္စည်းကို ဖယ်ရှားဖို့ မကြိုးစားပါနဲ့။ ဆရာဝန်ထံ ချက်ချင်းသွားပါ။ ဆရာဝန်က နားထဲက ပြင်ပပစ္စည်းကို အထူးကိရိယာနဲ့ ဖယ်ရှားပေးမယ့် အပြင် နားထဲမှာ ထိခိုက်ဒဏ်ရာရှိ၊ မရှိ ဆန်းစစ်ကြည့်ရှုတာ လိုအပ်သလို ကုသပေးပါလိမ့်မယ်။ ( ၅ ) နားထဲ နားဖာချေးပိတ်ဆို့နေခြင်း နားထဲ နားဖာချေး အလွန်အမင်း ပိတ်ဆို့နေပြီး ဖယ်ရှားဖို့လိုတဲ့ အခြေအနေတွေရှိပါတယ်။ ဖယ်ရှားဖို့ လိုတဲ့ လက္ခဏာရပ်တွေကတော့ နားအကြားအာရုံ ဆုံးရှုံးခြင်း၊ နားကိုက်ခြင်း၊ နားအူခြင်း၊ နားထဲပြည့်နေသလို ခံစားရခြင်း စတာတွေပါပဲ ဖြစ်ပါတယ်။ အဲဒီအခါ မိမိဘာသာ နားထဲက နားဖာချေး ထုတ်တာမျိုး မလုပ်ဘဲ နား၊ နှာခေါင်း၊ လည်ချောင်း အထူးကုဆရာဝန်နဲ့ ပြသလိုက်ပါ။ ။ မှတ်ချက် ။ ။အနာဂတ်ကြယ်ပွင့်လေးများ မှ တဆင့် ကူးယူဖော်ပြထားတာပါ..မသိသေးသူများအတွက် ဗဟုသုတ ရပါစေခြင်း အလိုငှါ ကူးယူတင်ပြလိုက်ပါသည်။ ။ မှတ်ချက် ။ ။အနာဂတ်ကြယ်ပွင့်လေးများ မှ တဆင့် ကူးယူဖော်ပြထားတာပါ..မသိသေးသူများအတွက် ဗဟုသုတ ရပါစေခြင်း အလိုငှါ ကူးယူတင်ပြလိုက်ပါသည်။...

ဗုဒ္ဓပရိနိဗ္ဗာန်စံတဲ့ နှစ်ကစပြီး သာသနာနှစ် ၁-လို့ စတင်ရေတွက်ပါတယ်။ ယနေ့ (မြန်မာက္ကရာဇ် ၁၃၇၁- ခုနှစ်) ဆိုရင် သာသနာနှစ် ၂၅၅၃-ပါ။ ရောက်ဆဲ ခရစ်နှစ် ၂၀၀၉-ကို သာသနာ ၂၅၅၃-မှ နုတ်ရင် ဘီစီ ၅၄၄ ဒါ ဗုဒ္ဓပရိနိဗ္ဗန်စံတဲ့နှစ်။ ပရိနိဗ္ဗာန်စံတဲ့နှစ်ကို တည်ပြီး သက်တော် ၈၀-ကို ထပ်ပေါင်းရင် ဗုဒ္ဓဖွားမြင်တာ (၅၄၃+၈၀) ဘီစီ ၆၂၃။ -------ရောက်ဆဲသာသနာတော်နှစ်ကို သိလိုလျှင်--------- ယခုရောက်ဆဲ ခရစ်နှစ်ထဲကို -၅၄၄-ပေါင်းထည့် လိုပ်က်ပါ၊ ဒါဆို သင်သိလိုတဲ့ ရောက်သာသနာနှစ် သိပြိပေါ့။ ဥပမာ=၂၀၀၉+၅၄၄=၂၅၅၃။ ----------------------------------------------------- သီဟိုဠ်၊ မြန်မာ၊ ယိုးဒယား၊ ကမ္ဘောဒီးယား၊ လာအိုစတဲ့ ထေရ၀ါဒဗုဒ္ဓဘာသာနိုင်ငံတွေ လက်ခံတဲ့ မြတ်ဗုဒ္ဓ ဖွားမြင်တော်မူတဲ့နှစ် ဖြစ်ပါတယ်။ ဒါဟာ သီရိလင်္ကာနိုင်ငံနဲ့ ဗုဒ္ဓသာသနာသမိုင်းစဉ်ကိုဖော်ပြတဲ့ မဟာဝံသကျမ်း၊ အဋ္ဌထကာကျမ်းတွေနှင့် အညီဖြစ်ပါတယ်။ မဟာဝံကျမ်းကို သီဟိုဠ် မဟာဝိဟာရကျောင်းတိုက်က ပညာရှင်တွေ သီဟိုဠ်ဘာသာနဲ့ ရေးသားခဲ့ပြီး အေဒီ ၅၂၀ ခန့်မှာ ပါဠိဘာသာ ပြန်ဆိုခဲ့ပါတယ်။ ယနေ့ ထေရ၀ါဒနိုင်ငံတွေမှာ လက်ခံနေကြတဲ့ ဗုဒ္ဓဘာသာ ပါဠိစာပေ အားလုံးနီးပါးကို မဟာဝိဟာရကျောင်းတိုက်ထွက် ပညာရှင်တွေ ရေးခဲ့တာပါ။ ဒါကြောင့် (ဘီစီ ၆၂၃) ဗုဒ္ဓမွေးနေ့ အဆိုဟာ မဟာဝိဟာရကျောင်းတိုက်က မထေရ်စဉ်ဆက် မှတ်ယူလာတဲ့ အယူအဆ၊ ထေရ၀ါဒမှတမ်းများရဲ့ အယူအဆ ဖြစ်ပါတယ်။ ဒါကြောင့်လည်း ထေရ၀ါဒ နိုင်ငံတွေမှာ လွန်ခဲ့ နှစ်(၅၃)လောက်က ဗုဒ္ဓသာသနာ (၂၅၀၀) ပြည့်ပွဲတွေ ကျင်းပခဲ့ကြတာ ဖြစ်ပါတယ်။ ကမ္ဘာ့သမိုင်းနှင့် ရှိခြင်း မဟာဝံသနှင့် အဋ္ဌကထာကျမ်းများ အဆို၊ မဇ္ဈိမဒေသမင်းဆက်၊ ကမ္ဘာ့သမိုင်းမှတ်တမ်းများ၊ သံဂါယနာမှတ်တမ်းများ၊ ဆရာစဉ်ဖော်ပြချက်၊ အသောကကျောက်စာ၊ မြောက်ပိုင်းဗုဒ္ဓ ဘာသာမှတ်တမ်းများ၊ အိန္ဒိယတောင်ပိုင်းမှ ရှေးဟောင်းကျောက်စာအချို့၊ အဲဒါတွေ အားလုံးကို ညှိနှိုင်းတိုက်ဆိုင်ပြီးနောက် ဘီစီ ၆၂၃- ဗုဒ္ဓဖွားနှစ်အဆိုနဲ့ ပတ်သက်ပြီး စဉ်းစားစရာ တွေ့လာရတယ်။ ပညာရှင်တွေက ဗုဒ္ဓဖွားနှစ်ကို (ဘီစီ ၅၆၃) လို့ ယူဆလိုကြတယ်။ ဒါလည်း မဟာဝံသကျမ်း(အခန်း ၅၊ ဂါထာအမှတ် ၂၁) မှာ ဖြော်ပတဲ့ အိန္ဒိယဧကရာဇ် အသောကမင်းဟာ ဗုဒ္ဓပရိနိဗ္ဗာန်စံပြီးနောက် ၂၁၈-နှစ် အကြာမှာ နန်းတက်တယ်ဆိုတဲ့ အချက်ကိုပဲ အခြေခံတာပါ။ မဟာဝံသနဲ့ ၀ိနယအဋ္ဌကထာကျမ်းများအလိုအရ အဇာတသတ္တု (ဗုဒ္ဓမလွန်မှီ ၈-နှစ် လွန်ပြီးနောက်) ၂၄၊ ဥဒယဘဒ္ဒ ၁၆၊ အနုရုဒ္ဓ နှင့် မုဏ္ဍ ၈၊ နာဂဒါသက ၂၄၊ သုသုနာဂ ၁၈၊ ကာဠာသောက ၂၈၊ ၄င်းမင်း၏သား ဆယ်ယောက် ၂၂၊ နန္ဒမင်းသား ကိုးယောက် ၂၂၊ စန္ဒဂုတ္တ ၂၄၊ ဗိန္ဒုသာရ ၂၈၊ အသောက (အဘိသိက်မခံမှီ ၄ +) နန်းစံ ၁၈-နှစ်မြောက် (ဗုဒ္ဓလွန်ပြီးနောက် နှစ်ပေါင်း ၂၃၆-နှစ်အကြာ)မှာ အသောကရဲ့သားတော် အရှင်မဟိန္ဒ သီဟိုဠ်ကို ရောက်ပါတယ်။ စန္ဒဂုတ္တဟာ အသောကရဲ့ ဘိုးတော်ပါ။ အသောကဟာ နန်းရပြီး ၄-နှစ်ကြာမှ အဘိသိက်ခံတာဖြစ်လို့ ဘိုးတော် စန္ဒဂုတ္တမင်းနဲ့ အသောကတို့အကြား ဖော်ပြပြီး နန်းစံနှစ်တွေအရ ၅၆-နှစ် ကွာတယ်။ ဒါကြောင့် စန္ဒဂုတ္တဟာ ဗုဒ္ဓနောက် (၂၁၈–၅၆) ၁၆၂-နှစ် အကြာမှာ နန်းစိုက်တယ်။ အိန္ဒိယသမိုင်းအရ စန္ဒဂုတ္တနန်းတက်နှစ်ဟာ ဘီစီ ၃၂၁။ ဒီတော့ ဗုဒ္ဓပရိနိဗ္ဗာန်စံနှစ်ဟာ ဘီစီ (၃၂၁+၁၆၂) ၄၈၃။ သက်တော် ၈၀ ပေါင်းရင် မြတ်ဗုဒ္ဓ မွေးဖွားနှစ်ဟာ (၄၈၃+၈၀) ဘီစီ ၅၆၃။ ကမ္ဘာ့သမိုင်းအရ ဂရိဘုရင် အလက်စန္ဒာသဂရိတ်ဟာ ဘီစီ ၃၂၅-မှာ အိန္ဒိယနိုင်ငံ ပန်ဂျပ်ပြည်နယ်အထိ အောင်နိုင်ပြီး အိန္ဒိယမှအပြန် ဘီစီ ၃၂၃-မှာ ကွယ်လွန်တယ်။ အိန္ဒိယဘုရင် စန္ဒဂုတ္တမောရိယမင်းက အလက်စန္ဒာရဲ့ လူတွေကို နှိမ်နင်းခဲ့တယ်။ အဲဒီအချိန်က အသောကမင်း မမွေးဖွားသေးဘူးလို့ အိန္ဒိယသမိုင်းနဲ့ ကမ္ဘာ့သမိုင်းတွေမှာ ဆိုတယ်။ ဒါကြောင့် ဗုဒ္ဓဖွားနှစ်ကို ဘီစီ ၆၂၃-ယူရင် စန္ဒဂုတ္တနဲ့ အလက်စန္ဒာတို့ကို ခေတ်ပြိုင်ဆိုတဲ့ အဲဒီသမိုင်းတွေနဲ့ ဆန့်ကျင်ပါလိမ့်မယ်။ မင်းဆက်နှစ်-ပိုလာခြင်း ၁၉၀၇-ခုနှစ်က မဟာဝံသပါဠိကို အင်္ဂလိပ်ဘာသာပြန်ဆိုခဲ့တဲ့ ပါမောက္ခ ၀ီလျံဂိုင်ဂါ (Wilhelm Geiger) ဟာ မဟာဝံသနဲ့ စူဠ၀ံသကျမ်းတွေမှာဖော်ပြတဲ့ သီဟိုဠ်မင်းဆက်ကို အသေးစိတ် လေ့လာတဲ့အခါ အေဒီ ၁၀၀၀-ခန့်က အိန္ဒိယတောင်ပိုင်း စောဠတိုင်းသားတို့ သီဟိုဠ်ကို ကျူးကျော်တဲ့အချိန်ကို ဖော်ပြတဲ့ သက္ကရာဇ်တွေမှာ ၆၂-နှစ်လောက် ကွာဟနေတာကို တွေ့ရှိခဲ့တယ်။ တွေ့ရှိပုံက ဒီလိုပါ။ စူဠ၀ံသကျမ်း အခန်း ၅၃-မှာ တတိယဥဒယမင်း (ဗုဒ္ဓနှစ် ၁၄၉၇-နန်းတက်) ပရက္ကမပဏ္ဍုမင်း (ဗုဒ္ဓနှစ် ၁၅၉၀-နန်းတက်)တို့ အကြားကာလကို ၉၃- နှစ်နှင့် ၈-ရက်လို့ ဆိုတယ်။ အိန္ဒိယတောင်ပိုင်း နယ်က စောဠဘုရင် ရာဇိန္ဒြရာဇစောဠဒေ၀မင်း ရေးထိုးခဲ့တဲ့ ကျောက်စာမှာ စူဠ၀ံသကျမ်း ဆိုတဲ့အတိုင်း တတိယဥဒယမင်း နန်းတက်ပြီးစမှာ စောဠတိုင်းသားတို့ သီဟိုဠ်ကို စစ်ချီကြောင်း ဖော်ပြလို့ ဒီမင်းနှစ်ပါး ခေတ်ပြိုင်နေတာကို တွေ့ရတယ်။ စောဠဒေ၀ရဲ့ နန်းတက်နှစ်ကို အေဒီ ၁၀၁၁-လို့ အိန္ဒိယသမိုင်း ဆရာတို့ ဆိုတယ်။ စောဠတို့ သီဟိုဠ်ကို စစ်ချီတာ စောဠဒေ၀မင်း နန်းစံ ၄-နှစ်မြောက် (အေဒီ ၁၀၁၅)။ ဒါဟာ စူဠ၀ံသကျမ်းလာ တတိယဥဒယ နန်းတက်နှစ် (ဗုဒ္ဓနှစ် ၁၄၉ရ) ဖြစ်နေတယ်။ ဒီတော့ ဗုဒ္ဓနှစ် ၁၄၉၇-ဟာ အေဒီ ၁၀၁၅ (ဒီအလို ပုံမှန် သမိုင်းဆရာတို့ ပြသလို တတိယဥဒယ နန်းတက်နှစ်ကို အေဒီ ၉၄၆-လို့ မဆိုနိုင်တော့ဘူး)။ ဒါဆို ဗုဒ္ဓပရိနိဗ္ဗာန်စံ နှစ် (၁၄၉၇-၁၀၁၅) ဘီစီ ၄၈၃၊ မွေးဖွားနှစ် ဘီစီ ၅၆၃-လို့ အဓိပ္ပာယ် သက်ရောက်သွားတာပဲ။ တတိယဥဒယမင်းကစပြီး ပထမပရက္ကမဗာဟုမင်းတိုင်အောင် မင်းဆက်ကို အသေးစိတ် ရေးခဲ့သူ စူဠ၀ံသကျမ်းပြုဆရာဟာ တတိယဥဒယမင်း နန်းတက်နှစ်ကို ဗုဒ္ဓနှစ် ၁၄၉၇ (စောဠမင်း ကျောက်စာနှင့်အညီ အေဒီ ၁၀၁၅)၊ ပရက္ကမပဏ္ဍု နန်းတက်နှစ်ကို ဗုဒ္ဓနှစ် ၁၅၉၀ (အေဒီ ၁၀၄၆)၊ ပထမပရက္ကမဗာဟု နန်းတက်နှစ်ကို ဗုဒ္ဓနှစ် ၁၆၉၇ (အေဒီ ၁၁၅၃) လို့ ဖော်ပြခဲ့ပေမဲ့ တတိယ ဥဒယနန်းတက်နှစ်မှာ ကျန်ဘုရင် နှစ်ပါးနန်းတက်နှစ်နဲ့ မတူတဲ့အခြေခံ (သမိုင်းမှတ်တမ်းများ)က လာတယ်ဆိုတာကို သတိမပြုခဲ့မိပုံမရဘူး။ တတိယဥဒယနှင့် ပရက္ကမဘဏ္ဍု အကြား- ၉၃-နှစ် ဆိုပေမဲ့ အမှန်တော့ (အေဒီ ၁၀၁၅-၁၀၄၆) ၃၁-နှစ်သာ ကွာပြီး ၆၂-နှစ် ပိုထွက်လာတာကို တွေ့ရပါတယ်။ ဗုဒ္ဓဖွားနှစ် ၂မျိုး ဖြစ်သွားခြင်း အဲဒီလို ၆၂-နှစ် ပိုထွက်လာတာ ဘယ်မင်းဆက်ရယ်လို့ အတိအကျ မပြနိုင်ဘူးလို့ဆိုပြီး သံသယဖြစ်နိုင်တဲ့ အချက်အချို့ကို ဂိုင်ဂါက ထောက်ပြခဲ့တယ်။ ဥပမာ အသက် ၃၇-နှစ်မှာ မင်းဖြစ်ပြီး နန်းသက် ၇၀-ကြာခဲ့တဲ့ ပဏ္ဍုကာဘယ (ဘီစီ ၄၃၇-၃၆၇) (ဒီမင်းလဲ အသက် သိပ်ရှည်လို့ စဉ်းစားစရာပဲတဲ့)ကို ဆက်ခံတဲ့ သူ့ရဲ့သားဖြစ်သူ မုဋသိဝဟာ ပဏ္ဍုကာဘယ မင်းမဖြစ်ခင် (အသက် ၃၇ နှစ်မတိုင်ခင်)က လက်ထပ်ခဲ့တဲ့ မိဖုရားသုဝဏ္ဏ၀တီက ဖွားမြင်သတဲ့။ ဒါကြောင့် မုဋသိဝ မင်းပြုတဲ့အခါ အနည်းဆုံး အသက် ၇၀။ ဒါပေမဲ့ မုဋသိဝ နန်းစံ သက်တမ်း ၆၀-နှစ်လို့ မဟာဝံသမှာ ဆိုတယ်။ ဒါဆိုရင် မုဋသိဝ အသက် ၁၃၀- ဖြစ်သွားနိုင်တာမို့ ယုတ္တိမတန်ဘူး။ သီဟိုဠ်အစဉ်အလာသမိုင်းဟာ အချို့ ဖြစ်စဉ်တွေကို အမှန်အတိုင်း ထိန်းသိမ်းထားနိုင်မှာဖြစ်ပေမဲ့ ဘုရင့်နန်းစံနှစ်တွေနဲ့ ပတ်သက်ရာမှာတော့ ၀ိဇယမင်း သီဟိုဠ်မှာ နန်းစံနှစ်ကို ဗုဒ္ဓပရိနိဗ္ဗာန်စံနှစ်နှင့် ထပ်တူဖြစ်အောင် ဆွဲဆန့်ထားဖွယ်ရှိတယ်လို့ ဂိုင်ဂါက ယူဆခဲ့တယ်။ အဲဒီလို ယူဆလို့ ဂိုင်ဂါဟာ မဟာဝံသအဆို ဗုဒ္ဓဖွားနှစ် ဘီစီ ၅၄၄-နှစ်ထဲက (ကမ္ဘာ့သမိုင်းတွေနဲ့အညီ) ၆၁-နှစ် လျော့ပစ်ဖို့ တင်ပြခဲ့တာကို ပညာရှင်တွေ မငြင်း၊ သို့မဟုတ် လက်ခံကြတဲ့အတွက် အနောက်တိုင်း ပညာရှင်တွေအကြား ဗုဒ္ဓပရိနိဗ္ဗာန်စံနှစ် ဘီစီ ၄၈၃၊ ဗုဒ္ဓဖွားနှစ် ဘီစီ ၅၆၃-လို့ ဆိုကြတာပါ။ မဟာဝံသအလို ဗုဒ္ဓပရိနိဗ္ဗာန်စံတဲ့နှစ်မှာ ၀ိဇယမင်း သီဟိုဠ်ကို ရောက်တယ်ဆိုပေမဲ့ ပထမဆုံး ဗြဟ္မီအက္ခရာနဲ့ ရေးထိုးထားတဲ့ သီဟိုဠ် အနုရာဓပုရမြို့နားမှာရှိတဲ့ ဆိရမ် ဒေရနိယဂါလ (Siran Deraniyagala) ကျောက်စာအရ အဆိုပါဝိဇယမင်း သီဟိုဠ်ရောက်ချိန်ဟာ ဘီစီ ၄၈၀-ခန့် ဖြစ်တာကို တွေ့ရတယ်။ ဒါကြောင့် မဟာဝံသအလို ၀ိဇယဘုရင် သီဟိုဠ် ရောက်နှစ်နှင့် အဲဒီပြာကရိတ် ဗြဟ္မီကျောက်စာအဆို ကွဲလွဲနေတာဟာ ဂိုင်ဂါရဲ့ အယူအဆ (ဘီစီ ၅၆၃ ဗုဒ္ဓဖွား) ကို ထောက်ခံသလို ဖြစ်နေတယ်။ ---------------------------------------------------------------- ဗုဒ္ဓမွေးဖွားတဲ့နှစ်တွက်နည်းကို ဗဟုသုတအနေနဲ့ ဆက်လက်တင်ပြလိုက်တာပါ။ အယူအဆများစွာ ရှိပေမယ့် မေမေ့လပြည့်ဝန်းလေး အရင်စာတမ်းမှာ တင်ပြခဲ့သလို့ ထေရ၀ါဒမထေရ်ဆရာတော်ကြီးများလက်ခံထားတာက -ဘီစီ-၆၂၃-နှစ်ကို ဗုဒ္ဓဖွားနှစ်အဖြစ် တညီတညွတ်တည်း လက်ခံထားကြပါတယ်။ ဗုဒ္ဓပရိနိဗ္ဗာန်စံသွားတာ နှစ်ပေါင်း (၂၅၀၀)ကျော်လာပြီဆိုတော့ မူကွဲတွေ.. အယူအဆ အမျိုးမျိုးတွေကတော့ ရှိမှာပါ။ နှစ်ကြာလာရင် အယူအဆတွေ အမျိုးမျိုးကွဲသွားတာကလည်း ဓမ္မတာပဲလေ။ တကယ်ကြည့်မယ်ဆိုရင် ဗုဒ္ဓအတွက် မွေးနှစ်က ဒီလောက်အရေးကြီးတာတော့ မဟုတ်ပါဘူး။ ဗုဒ္ဓဟောကြားခဲ့တဲ့ “အမှန်တရား လေးပါးကို” သိအောင် ကျင့်ကြံခြင်းက အရေးကြီးတာပါ။ တကယ်တရားမြင်ရင် ဘုရားမြင်မယ်၊ ဘုရားအစစ်ကို မြင်ရင် တရားစစ်၊ တရားမှန်လည်း မြင်သွားမှာပါ။ အဲဒီအခါကျရင် ဘုရားရှင်ကိုလည်း တကယ်ကြည်ညို သွားမှာပါ။ ရေးသားသူ မေမေ့လပြည့်ဝန်းလေး Labels: ထေရ၀ါဒ ဗုဒ္ဓဖွားနှစ်

ပျိုရွယ်သွေးကြွ၊ ငယ်စဉ်ကမူ ငါနှင့် ငါသာ၊ နှိုင်းစရာဟု ပညာမုန်ယို၊ မဆိုစလောက် မာန်စောင် မြောက်ခဲ့မိပါသည်။ ။ ယခုမှာမူ ဇရာမုန်း၍၊ လူလုံးမလှ ယွတ်တွ ယွင်းယို၊ ခန္ဓာကိုယ်နှင့် အိုကြီးအိုမ၊ ငါ့ဘ၀သည် မလှမပ၊ ရှိခဲ့ပြီ။ ။ လောကဓာတ်ဆုံး၊ နေလုံးကွယ်ပျောက် ညမှောင်ရောက်သို့၊ မှဲ့ပြောက်ယှက်ဖြာ ငါ့ခန္ဓာလည်း၊ မကြာတိမ်မြှုပ် ဇိဝိန်ချုပ်ဖို့၊ မလှုပ်လှက်သာ ၀ိဇ္ဇာဥာဏ်ကင်း၊ အသိဖျင်းလျက် သေမင်းခေါ်က၊ လိုက်ပါရမည် ဘ၀နေ၀င်ချိန် ပါတကား။ ။ ထိုစဉ်ခိုက်ဝယ် လှိုက်လှဲ မေတ္တာ၊ ကြင်နာသနား၊ လမင်းဘုရားလျှင် ငါ့အား ချီးမြောက်၊ ကြွလာရောက်စဉ် အစ္စယော မံ ဘန္တေ၊ အစ္စာဂမာ အစဖြာလျှက် ကျမ်းလာရှိမှန်၊ တောင်းပန်လျှောက်ထား၊ ငါ့စကားကို ၀ုဒ္ဓိဟေသာ အာယတိံ သံဝရ မိန့်ဟစကား၊ ခွန်းတုံ့ကြားလျှက် မြွက်ထားဆုံးမ၊ သြ၀ါဒကို တုပ်ကွနာစဉ်၊ အသိဝင်၍ ရင်တွင်ပီတိ၊ ဂွမ်းဆီထိသို့၊ ရွန်းအိဝေဖြာ၊ ဘယာကွေကွင်း၊ ငါ့ရင်တွင်းဝယ် လမင်း ဘုရား လင်းခဲ့ပြီ။ ။ အော် ---- အနောက်ဖက်ဆီ၊ နေ၀င်ပြီမို့ ရောင်နီပြိုးပြက်၊ မလင်းလက်လည်း ရှေ့ဖက်ဆီမှ သော်တာလသည် ရွှန်းပ -- ၀င်းလက်ခဲ့ပြီတကား။ ။ လမင်းဘုရားသို့ ထာဝရ ဦးခိုက်လျှက် တပည့် ဒေါက်တာသြသဓသာရ