သီတဂူဆရာတော်ကြီး၏ သြ၀ါဒကထာ

မေတ္တာဘာဝနာသည် လူသားတို့ ၏စိတ်နှလုံးကို နူးညံ့စေပါသည်။ ကမ္ဘာ့ နိုင်ငံများ၏ အသင်းအဖွဲ့ များကို စစ်လက်နက်ပစ္စည်း ၊ အကူအညီများပေးကမ်းထောက်ပံ့မည့် အစား မေတ္တာဟူသည့် သန့် ရှင်းမွန်မြတ်သောအထောက်အပံ့အကူအညီကို ပေးကမ်းခြင်းသည်သာ အကူအညီကင်းမဲ့နေသော ဤကမ္ဘာကြီးတွသ် အမှန်တစ်ကယ်လိုအပ်သော ထိရောက်သော အကူအညီကိုပေးရာရောက်သည်။ အမှန်စင်စစ် မေတ္တာဟူသည် မိမိနှင့်သူတစ်ပါး နှစ်ဦးသားတို့ အကြားမှာ ခွဲခြားမှုမပြုဘဲ လူသားအားလုံး၏ အကျိုးစီးပွားနှင့်စစ်မှန်သော ငြိမ်းချမ်းရေးချမ်းသာရေးအတွက် ရိုးသားဖြူစင်သောဆန္ဒကို ခေါ်ဆိုရခြင်းဖြစ်ပါသည်။ ကျွှန်ုပ်တို့ သည် နိုင်ငံရေးအယူအဆ မတူမျှခြင်းဟူသော အတားအဆီးကြီးကို ပြတ်ပြတ်သားသား ဖယ်ရှားလျှက် အားလုံးသောတိုင်းပြည် ၊ နိုင်ငံလူမျိုး လူတန်းစား ကမ္ဘာသူ ကမ္ဘာသား လူသားအားလုံးအပေါ်တွင် အပိုင်းအခြားအဆီးအတားမရှိသည့် ကမ္ဘာ့ ညီအစ်ကိုမောင်နှမစိတ်ဓာတ်ကို တိုးပွားအောင် ကြိုးစားဖြန့် ချိရမည်ဖြစ်ပါသည်။ ကမ္ဘာကြီး၏ အကျိုးစီးပွားနှင့် စစ်မှန်ခိုင်မြဲသော ငြိမ်းချမ်းရေးအတွက် ရိုးသားဖြူစင်သော ဆန္ဒဟုဆိုရသည့် ဤမေတ္တာသည် နိုင်ငံရေးညီအစ်ကိုမောင်နှမ စိတ်ဓာတ်မျိုးမဟုတ်။ လူမျိုးရေး အမျိုးသားရေး ဘာသာရေး ညီအစ်ကိုမောင်နှမစိတ်ဓာတ်မျိုးမဟုတ်။ နိုင်ငံရေး ညီအစ်ကိုမောင်နှမစိတ်ဓာတ်ဆိုသည်မှာ နိုင်ငံရေးဝါဒ အယူအဆတူကြသူများ၏စိတ်ဓာတ်ပင်ဖြစ်ပါသည်။ ဤသို့ လျှင် ကျဉ်းမြောင်းသော လူမျိုးချစ်စိတ်များ လွှမ်းမိုးပြီး ကျယ်ပြန့် သော လူသားချစ်စိတ်ဓာတ်များ ခေါင်းပါးမှုတို့ ကြောင့် ငါ့အမျိုးမြတ်သည် ၊ သူ့ အမျိုးယုတ်သည် ၊ ငါ့ဝါဒမြတ်သည် ၊ သူ့ တို့ ဝါဒယုတ်သည် စသည်ဖြင့် မကြာခဏငြင်းခုံခဲ့ကြသည့်အတွက် ထိုငြင်းခုံကြသူတို့ သည် ကြမ်းတမ်းသော စစ်ပွဲကြီးများ ဖြင့် လူသားပေါင်းများစွာတို့ ၏အသက်ကို သတ်ခဲ့ဖူးကြကုန်ပြီ မဟုတ်ပါလော။ လူမျိုးရေးနောက်ခံနှင့် ယုံကြည်မှု မတူကြသော်လည်း သည်းခံခြင်း ၊ ခွင့်လွတ်ခြင်း ချစ်ခြင်းတို့ ကို အခြေခံ၍ လူသားအားလုံး ညီညွှတ်သောပေါင်းသင်းဆက်ဆံရေးကို တည်ဆောက်ကြသင့်ပါသည်။ မေတ္တာတရားဆိုသည်မှာ ဘာသာရေးအရ ချစ်သည့်ဘာသာရေးညီအစ်ကိုမောင်နှမ စိတ်ဓာတ်မဟုတ်ပါ။ ကမ္ဘာ့ ဘာသာရေးသမိုင်းကိုကြည့်လျှင် အကန့် အသတ်ဖြင့် ချစ်ကြသည့် ဘာသာရေးညီအစ်ကိုမောင်နှမ စိတ်ဓာတ်များကြောင့် ဘာသာရေးငြင်းခုံမှုများ ဘာသာရေးပဋိပက္ခများ ၊ အမည်ခံသက်သက်မျှဖြစ်သော မွန်မြတ်သောစစ်ပွဲဟုခေါ်ကြသည့် ဘာသာရေးစစ်ပွဲများသည် ဘာသာတရားအဓိပ္ပာယ်နှင့် မေတ္တာကရုဏာကင်းမဲ့စွာ ဖြစ်ပေါ်ခဲ့ဖူးကြပါပြီ။ လူသားတို့ အတွင်း နူးညံ့သောဆက်ဆံမှု ၊ ခိုင်မြဲသောငြိမ်းချမ်းမှု ၊ အနှစ်သာရရှိသော ချမ်းသာမှုတို့ ကို တည်ဆောက်ရန် ရိုးသားသော သန့် ရှင်းသော ဘာသာရေးနိုးကြားမှုနှင့ ညီညွတ်မှုများသည် ကိုယ်ကျင့်တရားခမ်းခြောက်နေသော ယနေ့ ကမ္ဘာတွင် အထူးပင်လိုအပ်လျက်ရှိပါသည်။ ထို့ ကြောင့် ကျွှန်ုပ်တို့ သည် အသီးသီးသော ဘာသာရေးခေါင်းဆောင်များ နှင့် စိတ်ဓာတ်ရေးပညာရှိများ၏ မွန်မြတ်သော စည်းမျဉ်းနှင့်မူဝါဒများကို အခြေခံ၍ ချစ်ခြင်း ၊ သနားခြင်း ၊ ကျိုးကြောင်းဆင်ခြင်သိမြင်ခြင်း ၊ သုံးသပ်ခြင်း ၊ တရားမျှတခြင်း ၊ ညီညွှတ်ခြင်းဖြင့် ပြည့်ဝသော သန့် ရှင်းအသုံးဝင်သည့် လူ့ ဘောင်လူ့ လောကသစ်တစ်ခုကို ဂရုတစိုက သတိပညာဖြင့် တည်ဆောက်ရမည် ဖြစ်ပါသည်။ သီတဂူဆရာတော်ကြီး အရှင်ဥာဏိဿရ မှတ်ချက်။ ၁။ အမေရိကန်နိုင်ငံ နယူးယောက်မြို့ သြဂုတ်လ တွင်ကျင်းပပြုလုပ်သည့် ကမ္ဘာ့ ကုလသမဂ္ဂ ၂၀၀၀ ပြည့်နှစ် ကမ္ဘာ့ ဘာသာရေးခေါင်းဆောင်များ ငြိမ်းချမ်းရေး ထိပ်သီးညီလာခံတွင် သီတဂူဆရာတော်ကြီး မြွက်ကြားသည့် "လက်တွဲလျှောက်ရန် တူညီသောလမ်းကို ရှာကြပါစို့ " သြ၀ါဒ ဤသြ၀ါဒမှာ အပြည့်အစုံမဟုတ်ပါခင်ဗျာ။ Summit Speech စာအုပ်မှ ကောက်နုတ်ကူးယူဖော်ပြပါသည်။ ၂။ ဓာတ်ပုံအား https://www.facebook.com/pages/Sitagu-International-Buddhist-Academy/142982712452711 မှ ကူးယူဖော်ပြပါသည်ခင်ဗျာ။ ၃။ မြတ်စွာဘုရားရှင်၏ တပည့်သား သံဃာတော်အရှင်သူမြတ်ပီပီ ၊ မြတ်စွာဘုရားရှင်ဟောကြားခဲ့သော တရားဓမ္မများကို လိုက်နာကျင့်သုံး၍ အစွန်းနှစ်ဖက်မကပ်ပဲ မဇ္စျိမပဋိပဒါ လမ်းစဉ်အတိုင်း မေတ္တာ ကရုဏာ မုဒိတာ ဥပေက္ခာ ဗြဟ္မ၀ိဟာရ တရားလေးပါးကိုအခြေခံကာ လောကလူသားများ ငြိမ်းချမ်းကြစေခြင်း ၊ အေးချမ်းချစေခြင်းအလို့ ဌာ သြ၀ါဒများကို မိန့် ကြားခဲ့သော သီတဂူဆရာတော်ဘုရားကြီးအား တပည့်တော် ရိုသေမြတ်နိုးလက်စုံမိုးကာ ရှိခိုးကန်တော့ပူဇော်လိုက်ရပါတယ် အရှင်ဘုရား။ ထူးတင့်နိုင် ၁၄-၆-၂၀၁၃