"တို့ပြည်ဌာနီ၊ ရှေးခါစီဝယ်၊ မထေရ်အပေါင်း၊ စံရာကျောင်းမှ၊ ငြိမ့်ငြောင်းသာယာ၊ မိန့်အာဏာကို၊ ရပ်ရွာလူးများ၊ လွန်လေးစားခဲ့"။ ။
ရှေးအခါက မြန်မာပြည့်မှာ ဘုန်းကြီးကျောင်းပညာရေးသာရှိသောကြောင့် ကျောင်းထိုင်ဘုန်းကြီးများ၏ ဆုံးမသြ၀ါဒကို မိဘများကအစ သားသမီး မြေး မြစ်များပါမကျန် အလွန်လေးစား လိုက်နာကြပါသည်။ ဘုန်းကြီးကျောင်းသားမှ ကိုရင်၊ ကိုရင်ဘ၀မှ ရဟန်ဖြစ်ကြရကုန်။ တိုင်းပြည့်အုပ်ချုပ်ကြကုန်သော မင်းတို့သည်ပင်လျှင် ဘုန်းကြီးကျောင်းသားဘ၀မှ ဘုရင်မင်းဖြစ်လာရသောကြောင့် ဘုန်းကြီးကျောင်းစနစ်ပါ၍ မေတ္တာရှေးရှု မင်းပြုနိုင်ကြသဖြင့် တိုင်းပြည်လည်းအေးချမ်း တိုင်းသူပြည်သားများလည်း ချမ်းသာကြီးပွားကြကုန်၏။

"ခုကားသို့နယ်၊ မဟုတ်ဖွယ်၍၊ နယ်ပယ်ပွားစီး၊ သားသ္မီးတို့၊ ဘုန်းကြီးကျောင်းတွင်၊ စာမသင်ကြ"။ ။
ယနေ့ခေတ်မှာတော့ ကျေးလက်က ကလေးများပင် ဘုန်းကြီးကျောင်းပညာကို သင်ကြားမှု အလွန်နည်းပါလာရကား ကလေးများလည်း ရိုင်းစိုင်း၊ ဘာသာတရားကိုလည်း ကိုင်းရှိုင်းမှု အလွန်ပင် အားနည်းလာတာကို တွေ့မြင်နေရပါသည်။ ဘုန်းကြီးကျောင်းက သင်ပေးသော “ဧ၀ံ မေ သုတံ” စသည်ကို ခေတ်မမီဘူး၊ ကျောက်ခေတ်က စာတွေဟု ထင်နေကြလေသည်။ ။

"ထို့ပြင်မြို့နေ၊ ကလေးတွေက၊ တို့မေဘာသာ၊ တို့မေစာကို၊ သင်ရကောင်းမျှ၊ မထင်ကြဘဲ၊ ပြင်ကလာပေး၊ စာပထွေးကို၊ အလေးဂရု၊ အလေးပြု၏"။ ။
ထိုတွင်အမ မြို့ကကလေးများပင် မိဘစာပေဖြစ်သော ဗုဒ္ဓဘာသာစာပေများကို သင်ကြားရကောင်းမှန်း မသိကြပေ၊ ပြည်ပမှလာသော စာပထွေးများကိုသာလျှင် အလေးဂရုပြု၍ သင်ကြားနေကြပေသည်။ ။

"သူတို့ဘာသာ၊ သူတို့စာမူ၊ ခေတ်ကအလိုက်၊ လောကတိုက်ဝယ်၊ သိုက်မြိုက်ဘို့ရန်၊ အကြောင်းမှန်လည်း၊ နောင်သံသာတွက်၊ ကျိုးမဖက်၍၊ သက်သက်မျက်စိ၊ တစ်ဖက်ကြည့်တည်း"။ ။
တိုင်းတစ်ပါးမှလာသော ပညာရေး ယဉ်ကျေးမှုများသည် ဤလောက၀ယ် ကြီးပွားချမ်းသာနိုင်သော အကျုိးရှိမည်မှန်သော်လည်း သံသရာအတွက် အကျိုးမရှိရကား မျက်စိ တစ်ဖက်တည်းရှိသူနှင့်တူ၍ တစ်ဖက်ကမ်း ပညာရေးဖြစ်ပါသည်။ ။

"ဤသည့်တိုင်းသာ၊ နှစ်ပေါင်းကြာလျှင်၊ မြန်မာတိုင်းဖွား၊ လူအများလည်း၊ ဘုရားကိုစွန့်၊ တရားစွန့်၍၊ စွန့်လိမ့်မှန်စွာ၊ မြတ်သံဃာတည်း"။ ။
ဤအတိုင်းနှစ်ပေါင်းများစွာ ကြာလာခဲ့ပါက မြန်မာပြည်ပွား လူများစွာတို့သည် ရတနာသုံးပါးကို မေးကြကုန်လိမ့်မည်။ ဘာသာမဲ့တွေ ဖြစ်ကုန်လိမ့်မည်မှာ ဧကန်ဖြစ်ပေလိမ့်မည်။ ။
ထိုခါတိုင်းဖွား၊ လူအများလည်း၊ တရားလက်ကွာ၊ တစ်သက်စာကြောင့်၊ ဆက်ခါခုထက်၊ တိုး၍ပျက်လိမ့်။ ။
မိသားစုအားလုံး စားဝတ်နေရေးအတွက် တစ်နှပ်စာ တစ်သက်စာအလုပ်လုပ်နေ ရသောကြောင့် တရားထိုင်ဘို့ မဆိုထားဘိ တရားနာဖို့ပင် မစွမ်းနိုင်ရကား ခုထက်ပိုပြီး ပျက်ဆီးဘို့ပဲ ရှိပါသည်။ ။

"သို့တွက်များပြား၊ ဘုန်းဘုရားတို့၊ တရားကိုကျင့်၊ လုံအောင်ကျင့်၍၊ မလင့်စေရ၊ ကိုယ့်ဒေသ၌၊ သိပ္ပ ၀ိဇ္ဇာ၊ ပြသင့်ရာကို၊ ကောင်းစွာပိုင်ပိုင်၊ ပြသနိုင်မှ၊ ဘုန်းသျှင်ဟောကြား၊ သြ၀ါဒကို၊ စိတ်၌ ကြည့်ဖြူ၊ လိုက်နာယူ၍၊ ကိုယ်မူနှုတ်ပြောင်း၊ စိတ်လည်းပြောင်း၍၊ နောက်နှောင်းမြန်မာ၊ သာသနာတည်၊ ရှည်ကြာနေသို့၊ ထွန်းမည်တည်း"။ ။
လှေကြီးထိုး ရိုးရိုးကျင့်မနေဘဲ စာချဘုန်းကြီးများကလည်း မိမိကျင့်၊ တပည့်တွေကိုလည်း ကျင့်တတ်အောင်သင်၊ ဓမ္မကထိကဆရာတော်များကလည်း မိမိလည်းကျင့်၊ ဒကာ ဒကာမတွေကိုလည်း တရားကျင့်နိုင်ရန် လမ်းညွှန်ပေးနိုင်ရန် သိပ္ပ ၀ိဇ္ဇာမကျန် တတ်မြှောက်အောင် သင်ကြားလေးလထားမှ တပည့် ဒကာ ဒကာမများကို ကောင်းစွာပိုင်ပိုင် ပြသဟောကြား သြ၀ါဒပေးနိုင်မည်ဆိုလျှင် တပည့်များကလည်း ယုံယုံကြည်ကြည့်ဖြင့် လိုက်နာကျင့်သုံးကြကုန်သည်ဖြစ်၍ ကိုယ်နှုတ်စိတ်နူးညံ့ပျော့ပြောင်းပြီး သာသနာနေသို့ ထွန်းလင်းတောက်ပစေရန် ပစ္စည်းလေးပါးတို့ဖြင့် ချီးမြှောက်ထောက်ပံ့ကြလိမ့်မည် ဖြစ်ပေသည်။ ။

စုစည်းတင်ပြူ ရှင်သုခ(မင်းလှ)

“ရတနာသုံးပါး၊ ဆရာအား၊ ဦးဖျားထိပ်မှာပန်”
“ရတနာသုံးပါး၊ ဆရာအား၊ မမှားပူဇော်ပါ”
“ရတနာသုံးပါး၊ ဆရာအား၊ တတ်အားပူဇော်ပါ”
မြတ်စွာဘုရား ဟောတော်မူထားခဲ့တဲ့ သုံးဆယ့်ရှစ်ပါး မင်္ဂလာတရားတော်ထဲမှာ “အသေ၀နာ စ ဗာလာနံ၊ ပဏ္ဍိတာနဉ္စ သေ၀နာ၊ ပူဇာ စ ပူဇနေယျာနံ ဧတံ မင်္ဂလမုတ္တမံ” လူမိုက်တို့ကို ဘယ်တော့မှ မမှီဝဲ မဆည်းကပ်ခြင်း၊ ပညာရှိ သူတော်ကောင်းနှင့် ထာဝရ ပေါင်းသင်းမှီဝဲ ဆည်းကပ်နေထိုင်ခြင်း၊ ပူဇော်ခံထိုက်သူတို့ကို အမြဲဆည်းကပ်ပူဇော်ခြင်း စသည်စသည်ဖြင့် မင်္ဂလာတရားတွေကို ကျင့်ကြံကြိုးကုတ် အားထုတ်ကြရပါမည်။ “အစကောင်းမှ အနှောင်းသေချာ” ဆိုသကဲ့သို့ လူမိုက်ကိုရှောင်၊ ပညာရှိ သူတော်ကောင်းနှင့်ပေါင်း၊ ပူဇော်ခံထိုက်သူတွေကို ပူဇော်ခြင်းအစရှိသော မင်္ဂလာတရားတော်များကို အစဉ်တစိုက်ကျင့်ကြံကြိုးကုတ် အားထုတ်နိုင်ခဲ့မှသာလျှင် “နိဗ္ဗာနသစ္ဆိကိရိယာစ” ဆိုတဲ့ ဘ၀ဇာတ် သိမ်းရာဖြစ်သောနိဗ္ဗာန်ကို မျက်မှောက်ပြုနိုင်ခြင်း အကျိုးတရားတွေကို ခံစား စံစားရမည်မှာ ဧကန်မုချဖြစ်ပါသည်။
မြတ်စွာဘုရားလက်ထက်တော်အခါက အဇာတသတ္တုမင်းသားလေးသည် ရှင်ဒေ၀ဒတ္တ တည်းဟူသောလူမိုက်နှင့် ပေါင်းဖေါ်ယှဉ်တွဲမိသည့်အတွက် ဘုရင်ဖြစ်လိုခြင်းတည်းဟူသော တဏှာလောဘကြောင့် ဖခမည်းတော်ကြီး သောတာပန် ဗိမ္ဗိသာရမင်းတရားကြီးကို သတ်မိတဲ့အထိ မိုက်မဲ့ခဲ့ဘူးပါသည်။ သို့သော်လည်းဘဲ သောတာပန် ဆေးဆရာကြီး ဇီဝကတည်းဟူသော သူတော်ကောင်းနှင့် ပေါင်းဖေါ်ယှဉ်တွဲပြီး မြတ်စွားဘုရားကို ပူဇော်မှီဝဲဆည်းကပ်မိသောကြောင့် အဘကို သတ်မိတဲ့အတွက် အ၀ီစိငရဲမှခံရမည့်ဘေးမှ လွတ်မြှောက်လျက် လောဟကုမ္ဘီငရဲမှာသာ အနှစ်ခြောက်သောင်းခံရပြီး၊ ထိုငရဲမှ လွတ်မြှောက်သောအခါ ၀ိဇိတာဝီမည်သော ပစ္စေကဗုဒ္ဓအဖြစ်ဖြင့် ပရိနိဗ္ဗာန်စံဝင်ရမည့်အထိ အကျိုးကျေးဇူးရရှိသွားခဲ့ပါသည်။
“ပူဇော်ထိုက်သူ၊ ပူဇော်မူ၊ မှတ်ယူမင်္ဂလာ”။
ဤနေရာမှာ ပူဇော်ထိုက်သူများကား ဘုရား၊ တရား၊ သံဃာ၊ ဆရာတို့ဖြစ်ပါသည်။ ရတနာသုံးပါးကား အမြတ်ဆုံး ပူဇော်ခံထိုက်သော တရားများဖြစ်ပါသည်။ ဆရာမှာလည်း လောကီစီးပွားရေး၊ ကြီပွားရေး ပညာရေးသင်ကြားပေးသည့်ဆရာ၊ လောကုတ္တရာမဂ်ဖိုလ် နိဗ္ဗာန်သို့ရောက်ကြောင်း ဘ၀၀ိမုတ္တိပညာကို သင်ကြားပြသပေးသောဆရာဟု နှစ်မျိုးရှိပါသည်။ ပူဇော်ရမည့်အရာများကလည်း ပစ္စည်းဖြင့်ပူဇော်ခြင်း၊ ကိုယ်ကျင်းတရားဖြင့်ပူဇော်ခြင်းအားဖြင့် နှစ်မျိုးရှိပါသည်။ အဲဒါကြောင့်---
“ပစ္စည်း တရား၊ ဤနှစ်ပါး၊ မမှားပူဇော်ပါ”။
ယနေ့ လူငယ်တွေ ဆရာတွေကို ပူဇော်တဲ့ အာစရိယပူဇော်ပွဲမျိုးတွေ အတော်အတန်ပင်ရှားပါး နေတာ တွေ့ရပါသည်။ အဲဒါ ဘာကြောင့်လည်းဆိုတော့ “ပူဇာ စ ပူဇနေယျာနမင်္ဂလာ” ပျက်ဆီးနေ လို့ဖြစ်ပါသည်။ လောက သားသ္မီးများဟာ မိဘကိုလုပ်ကျွေးပြုစုရမှာ ၀န်မလေးပေမဲ့ ဆရာသမားရဲ့ ၀တ်တရားတွေကို ပြုစုရမှာ အတော်ပင် ၀န်လေးနေကြပါသည်။ သူတို့လေးတွေရဲ့ အမြင်မှာ ဒီဆရာတွေသည် ငါတို့ကို စေတနာရှိလို့ သင်ပေးနေတာ မဟုတ်ပါဘူး၊ မေတ္တာရှိလို့ သင်ပေးနေတာ မဟုတ်ပါဘူး၊ သူတို့ပိုက်ဆံရလို့ သူတို့ကြီးပွားချမ်းသာဘို့အတွက်ဟု အထင်မှား အမြင်မှားတွေ ရှိနေလို့ပဲဖြစ်ပါသည်။ အဲဒီအထင်မှား အမြင်မှားတွေ မရှိရလေအောင် သားသ္မီးများကို မိဘများက သင်ကြားဆုံးမသင့်ပေသည်။ လောကမှာ သင်ဆရာ၊ မြင်ဆရာ၊ ကြားဆရာရယ်လို့ ဆရာသုံးမျိုး ရှိကြောင်း သင်ကြားဆုံးမသင့်ပေသည်။ စာရေးသူ ငယ်ငယ်သင်ခဲ့ဘူးတဲ့ မြင်ဆရာကို ဆော်ကားလို့ လှံဆူးသေရတဲ့ လုလင်အကြောင်းလေး တင်ပြချင်ပါသည်။ လုလင်ငယ်တစ်ယောက် သည် ဗျိုင်းတစ်ကောင် ငါးလေးတစ်ကောင်းကို အပေါ်မြောက်လိုက် ပါးစပ်ဖြင့်ဖမ်းလိုက်ဖြင့် ထပ်ခါတလဲလဲ လုပ်နေသည်ကိုမြင်၍ အတုမြင် အတတ်သင်ဆိုသလို အတူလိုက်ပြီးလေ့ကျင်ခဲ့ရာ နောက်ဆုံး လှံတံကိုပင် အပေါ်မြှောက်၍ မိမိပါးစပ်ဖြင့် ဖမ်းနိုင်သည့်အထိ တတ်မြောက်သွားတော့၏၊ ထိုသတင်းကို တိုင်းပြည့်အုပ်ချုပ်တဲ့ ဘုရင်မင်းကြီးကြား၍ လုလင်ငယ်ကိုခေါ်စေပြီး ထိုလှံဖမ်းအတတ်ကို နန်းတွင်းဝယ် ပြသခိုင်းလေးသည်၊ ဘုရင်က သင်၏ဆရာ ဘယ်သူနည်းဟု မေးသောအခါ သူ့ဆရာက တိရစ္ဆာန်ဗျိုင်းဖြစ်နေသောကြောင့် ဆရာကို ဖေါ်မပြဘဲ ကိုယ်တိုင်တတ်မြှောက်ကြောင်း လိမ်လည်လျှောက်ထားပြီး ဆက်လက်ပြသလေရာ ထိုလုလင်ငယ် အာခံတွင်းလှံဆူး၍ သေဆုံးခြင်းသို့ ရောက်ရလေသည်။ ဤပုံပြင်လေးကို သင်ခန်းစာယူလျက် ယနေ့လူငယ်များ ဆရာနှင့်တပည့် မေတ္တာအစေး မပျယ်ရလေအောင် မေတ္တာအစေး မခမ်းခြောက် ရလေအောင် ဆရာကလည်း တာဝန်ကျေ၊ တပည့်ကလည်း တာဝန်သိတတ်ဘို့ အထူးပင် လိုအပ်လှပေသည်။ အဲဒီ “ပူဇာ စ ပူဇနေယျာနမင်္ဂလာ” ပျက်ပြီဆိုလျှင် ဆရာရော တပည့်ပါ ပျက်ဆီးဆုံးရှုံးသို့ ရောက်လိမ့်မည်ဖြစ်ပေသည်။ ဆရာနှင့်တပည့် ၀တ်တရားတွေ အသီးသီးတာဝန် ကျေကြမည်ဆိုလျှင် အသက်ရှည်ခြင်း၊ အဆင်းလှခြင်း၊ ချမ်းသာကြီးအစရှိသော အကျိုးတရားများကို အသီးသီး ခံစား စံစားရမည်မှာ ဧကန်စင်စစ် အမှန်ပင်ဖြစ်ပါသည်။
“ဒသသ၀ဿာယုကေသု ဘိက္ခဝေ မနုေဿသု ယေ တေ ဘ၀ိဿန္တိ အမေတ္တေယျာ အပေတ္တေယျာ အသာမညာ အဗြဟ္မညာ န ကုလေ ဇေဋ္ဌပစာယိနော, တေ ပုဇ္ဖ စ ဘ၀ိဿန္တိ ပါသံသာ စ”။ (စက္က၀တ္တိသုတ်)
ရဟန်းတို့ အသက်တန်း ဆယ်နှစ်တန်းမှ လူတို့သည် မိခင်ကို မပြုစု မလုပ်ကျွေးကြကုန်သည်၊ ဖခင်ကို မပြုစု မလုပ်ကျွေးကြကုန်သည်၊ ရဟန်းသံဃာတော်တွေကို မပြုစု မလုပ်ကျွေးကြကုန်သည်၊ လူတော်ကောင်းသူတော်စင်တွေကို မပြုစု မလုပ်ကျွေးကြကုန်သည်၊ ကြီးကုန်သောသူတို့ကို မပြုစု မလုပ်ကျွေးကြကုန်သည်ဖြစ်၍ နေထိုင်ကြကုန်၏။ ထိုသို့ ၀တ်တရားပျက်ဆီးနေသောသူတို့ကို ပူဇော်ကြကုန်သည့်ခေတ်၊ ချီးမွမ်းကြကုန်သည့်ခေတ်ဆိုတဲ့ အဲဒီလို လူမိုက်တွေကို ပူဇော်တဲ့ခေတ်ကို ရောက်ကြပေလိမ့်မည်။ မိဘတွေက သားသ္မီးတွေကို ပြန်ပြီးပူဇော်ရတဲ့ခေတ်ကို ရောက်ကြရပေလိမ့်မည်ဟု ဟောတော်မူခဲ့ပါသည်။
ယခုအချိန်ကာလသည် သူတော်ကောင်းတရားကျင့်သုံးပြီး ပူဇော်ထိုက်သူတွေကို ပူဇော်ရမည့် အချိန်အခါကောင်းဖြစ်သည်။ အနာဂတ်ဆိုတာ မသေချာ၍ လက်ရှိပစ္စုပ္ပန်မှာ သေချာတဲ့ ပူဇော်မှုတွေ ကို များများပြုလုပ်ကြဘို့နဲ့ ပူဇော်တဲ့နေရာမှာလည်း မိမိပူဇော်မည့်ပုဂ္ဂိုလ်တွေက ပူဇော်ခံထိုက်သော ဘုရား တရား သံဃာ မိဘ ဆရာ အသက်ကြီးသူ ဂုဏ်ကြီးသူတွေ ဟုတ်ရဲ့လားဟု ကွဲပြားအောင် လေ့လာသင့်တယ်၊ ဖွတ်ထွက်မှ တောင်ပို့မှန်းသိ ဆိုတာမျိုးက ကိုယ်ညံ့ဖျင်းရာကျသလို အချိန် ကလည်းသိပ်နောက်ကျနေပြီ နောင်တ မဖြစ်ရလေအောင် အသိအလိမ္မာ ပညာဥာဏ်ဖြင့် စဉ်းစား ဆင်ခြင်လျက် ပူဇော်ထိုက်သော ဘုရား တရား သံဃာ မိဘ ဆရာသမားများကို မမှားသော ပူဇော်ခြင်း မျုိးဖြင့် ပူဇော်ကြပါလို့ တိုက်တွန်းလိုက်ပါသည်။
“မိဘနှစ်ပါး၊ ကြီးသူအား၊ မမှားပူဇော်ပါ”
မိဘများနှင့် အသက်ကြီးသူ ဂုဏ်ကြီးတို့အားလည်း ပူဇော်ကြရပါမည်။
“ဣမာယ ဓမ္မာနုဓမ္မပ္ပဋိပတ္တိယာ ဗုဒ္ဓံ ပူဇေမိ၊
ဣမာယ ဓမ္မာနုဓမ္မပ္ပဋိပတ္တိယာ ဓမ္မံ ပူဇေမိ၊
ဣမာယ ဓမ္မာနုဓမ္မပ္ပဋိပတ္တိယာ သံဃံ ပူဇေမိ”
ဤလောကုတ္တရာကိုးပါးအားလျှော်သော အကျင့်မြတ်ဖြင့် ဘုရား တရား သံဃာရတာနာသုံးပါးအား ပူဇော်ပါ၏။
“ပစ္စည်း တရား၊ ဤနှစ်ပါး၊ မမှားပူဇော်ပါ”
ပူဇောတဲ့နေရာမှာလည်း ပစ္စည်းဖြင့်ပူဇော်ခြင်း၊ တရားဖြင့်ပူဇော်ခြင်းအားဖြင့် နှစ်မျိုး ရှိပါသည်။ သားသ္မီးများက မိဘတို့၏ ဆုံးမသြ၀ါဒကို လိုက်နာကျင့်သုံးခြင်းဖြင့် အမြတ်ဆုံးပူဇော်ခြင်းဖြစ်တဲ့ တရားနှင့်ပူဇော်နိုင်သလို၊ တပည့်များကလည်း ဆရာသမားများအပေါ်မှာ ဆရာတို့၏ ဆုံးမသြ၀ါဒကို လိုက်နာကျင့်သုံးခြင့်းဖြင့်လည်းကောင်း၊ သာသနာ့ဝန်ထမ်း ရှင် ရဟန်းများကလည်း မြတ်စွာဘုရား၏ ဆုံးမသြ၀ါဒဖြစ်သော စာရိတ္တသီလနှင့် ၀ါရိတ္တသီလတွေကို လိုက်နာကျင့်သုံးခြင်းဖြင့် ပူဇော်နိုင်ကြပါ သည်။ အဲဒီလိုပူဇော်ခြင်းမျိုးကို မြတ်စွာဘုရားက ဘုရား တရား သံဃာ မိဘ ဆရာ အသက်ကြီးသူ ဂုဏ်ကြီးသူတို့ကို အမြတ်ဆုံး ပူဇော်ခြင်းမျိုးဖြင့် ပူဇော်ခြင်းဖြစ်ကြောင်း ဟောတော်မူခဲ့ပါသည်။
“သိက္ခာသုံးပါး၊ ကျင့်သူအား၊ မမှားပူဇော်ပါ”
သီလ၊ သမာဓိ၊ ပညာဆိုတဲ့ သိက္ခာသုံးပါး ကျင်းကြံကြိုးကုတ်အားထုတ်နေသော သူတော်စင်တွေကိုတွေ့လျှင် ငယ်ပင်ငယ်ငြားသော်လည်း ပူဇော်ထိုက်သည့်အတွက် ပူဇော်ကြပါ။ ဘယ်လိုပူဇော်ကြရမလဲဆိုတော့---
“ပစ္စည်း တရား၊ ဤနှစ်ပါး၊ မမှားပူဇော်ပါ”
၁။ ပစ္စည်းဖြင့် ပူဇော်ခြင်း၊
၂။ ကိုယ်ကျင့်တရားဖြင့် ပူဇော်ခြင်း၊
၃။ ပစ္စည်း၊ ကိုယ်ကျင့်တရား နှစ်မျိုးလုံးဖြင့် ပူဇော်ခြင်း၊
၎။ ပစ္စည်းဖြင့်လည်း မပူဇော်၊ ကိုယ်ကျင့်တရားဖြင့်လည်း မပူဇော်ပဲနေခြင်းအားဖြင့် လေးမျိုးလေးစားရှိပါသည်။
တစ်ချို့ကြတော့ လှူတော့လှူနိုင်တယ် ကိုယ်ကျင့်တရားတော့ မကျင့်နိုင်ဘူး၊
တစ်ချို့ကြတော့ လှူတော့မလှူနိုင်ဘူး ကိုယ်ကျင့်တရားကြတော့ ကျင့်နိုင်တယ်၊
တစ်ချို့ကြတော့ လှူလည်းလှူနိုင်တယ် ကိုယ်ကျင့်တရားလည်းကျင့်နိုင်တယ်၊
တစ်ချို့ကြတော့ လှူလည်း မလှူနိုင်ဘူး ကိုယ်ကျင့်တရားလည်း မကျင့်နိုင်ဘူး၊
“ယော ခေါ, အာနန္ဒ, ဘိက္ခု ၀ါ ဘိက္ခုနီ ၀ါ ဥပါသကော ၀ါ ဥပါသိကာ ၀ါ ဓမ္မာနုဓမ္မပ္ပဋိပန္နော ၀ိဟရတိ သာမိစိပ္ပဋိပန္နော အနုဓမ္မစာရီ, သော တထာဂတံ သက္ကရောတိ ဂရုံ ကရောတိ မာနေတိ ပူဇေတိ အပစာယတိ ပရမာယ ပူဇာယ၊ တသ္မာတိဟနန္ဒ, ဓမ္မာနုဓမ္မပ္ပဋိပန္နာ ၀ိဟရိဿာမ သာမိစိပ္ပဋိပန္နာ အနုဓမ္မစာရိနောတိ။ ဧ၀ဥှိ ဝေါ, အာနန္ဒ သိက္ခိတဗ္ဗန္တိ”။ (မဟာပရိနိဗ္ဗာနသုတ္တ)
ချစ်သားအာနန္ဒ ရဟန်းပဲဖြစ်ဖြစ် ရဟန်းမပဲဖြစ်ဖြစ် ဒါယကာပဲဖြစ်ဖြစ် ဒါယိကာမပဲဖြစ်ဖြစ် လောကုတ္တရာတရားကိုးပါးနှင့် လျှော်လျှောက်ပတ်သောသီလ သမာဓိ ပညာတရားတွေကို ကျင့်ကြံ ကြိုးကုတ်အားထုတ်၍နေ၏။ ထိုပုဂ္ဂိုလ်သည် ငါဘုရားအား တရားဖြင့် အရိုအသေပြုသည်မည်၏၊ အလေးအမြတ်ပြုသည်မည်၏၊ မြတ်နိုးသည်မည်၏၊ အမြတ်ဆုံးပူဇော်ခြင်းဖြင့် ပူဇော်သည်မည်၏၊ အဲဒီလို အရိုအသေပြခြင်းစသည်တို့သည် ငါဘုရားကို အမြတ်ဆုံးပူဇော်ခြင်းဖြင့် ပူဇော်သည်မည်၏လို့ ဟောတော်မူခဲ့ပါသည်။
“ပစ္စည်း တရား၊ ဤနှစ်ပါး၊ တတ်အားပူဇော်ပါ”။
မြတ်စွာဘုရားအား မြင်းမိုရ်တောင်လောက်ကြီးတဲ့ ပန်းကုံးကြီးဖြင့် ပူဇော်ပါသော်လည်း အမြတ်ဆုံးပူဇော်ခြင်းဖြင့် ပူဇော်သည် မမည်ပါဘူး။ မိထွေးတော် ဂေါတမီသည် မြတ်စွားဘုရားအား သင်္ကန်းတွေ မြင်းမိုရ်တောင်လောက်ပုံပြီး လှူပင်လှူငြားသော်လည်း အမြတ်ဆုံးပူဇော်ခြင်း မမည်ပါဘူးလို့ မြတ်စွာဘုရား ဟောတော်မူခဲ့ပါသည်။ မြတ်ဘုရား ဟောတော်မူထားခဲ့တဲ့ တရားတော်တွေကို လိုက်နာကျင့်သုံးပြီး ပူဇော်ခြင်းမျိုးကို အမြတ်ဆုံးပူဇော်ပဲလို့ ဟောတော် မူခဲ့ပါသည်။ အဲဒါကြောင့် မိဘများက ယနေ့လူငယ် သားငယ် သမီးငယ်များကို “ပူဇာ စ ပူဇနေယျာန” မင်္ဂလာတရားတော်နှင့် ပြည့်စုံအောင် နေတတ်ထိုင်တတ်ဘို့အတွက် ဆုံးမသွန်သင်လျက် ပူဇော်ခံထိုက်သော ဘုရား တရား သံဃာ မိဘ ဆရာ အသက်ကြီးသူ ဂုဏ်ကြီးသူတို့ကို ပစ္စည်းဖြင့်လည်းကောင်း၊ အမြတ်ဆုံးဖြစ်သော ကိုယ်ကျင့်တရားဖြင့်လည်းကောင်း နေ့ညမပြတ် တတ်အားသမျှ ပူဇော်နိုင်ကြပါစေလို့ သမ္မာဆန္ဒပြုလျက်---
“ ပူဇော်ထိုက်သူ၊ ပူဇော်မူ၊ မှတ်ယူမင်္ဂလာ”
“ရတနာသုံးပါး၊ ဆရာအား၊ မမှားပူဇော်ပါ”
"ရတနာသုံးပါး၊ ဆရာအား၊ တတ်အားပူဇော်ပါ"
“မိဘနှစ်ပါး၊ ကြီးသူအား၊ မမှားပူဇော်ပါ”
“ပစ္စည်း တရား၊ ဤနှစ်ပါး၊ တတ်အားပူဇော်ပါ”

“သီတဂူစန်းပမာ ချမ်းမြသာယာ ရှိကြပါစေ”

ရှင်သုခ (မင်းလှ)
သီတဂူကမ္ဘာ့ဗုဒ္ဓတက္ကသိုလ်
စစ်ကိုင်း

အထက်ဖေါ်ပြပါ ဓာတ်ပုံရှင်မှာ မိခင်ရင်းဖြစ်သော အသက်(၈၀)ကျော်အဘွားအိုကို သားမက်နှင့်သမီးဖြစ်သူတို့က အငှားကားနှင့်ခေါ်ဆောင်လာပြီး ကြည့်မြင်တိုင်မြို့နယ် ကျောင်းကြီးတိုက်ရှိ မဟာသကျမုနိ ရုပ်ပွားတော်မြတ်ကြီး ဂန္ဓကုဋိတန်ဆောင်းကြီးအတွင်း၌ စွန့်ပြစ်ထားခြင်းခံခဲ့ရသော အဘွားအို၏ ဖြစ်ရပ်မှန်တစ်ခုဖြစ်သည်။
မာတာပိတု ဥပဋ္ဌာနမင်္ဂလာအရ=မိဘနှစ်ပါး၊ လုပ်ကျွေးငြား၊ မှတ်သားမင်္ဂလာ။ တဿာ ဥတုမှိ နှာတာယ၊ ဟောတိ ဂဗ္ဘဿ ဝေါက္ကမော၊ တေန ဒေါဟဠိနီ ဟောတိ၊ သုဟဒါ တေန ၀ုစ္စတိ=အလွန်ကောင်းသော စိတ်နှလုံးရှိသူများ။ ။ နှလုံးဖြူစင်၊ မွေးမိခင်၊ ခေါ်တွင်သုဟဒ။ ။ သံဝဇ္ဇရံ ၀ါ ဦနံ ၀ါ၊ ပရိဟရိတွာ ၀ိဇာယတိ၊ တေန သာ ဇနယန္တီတိ၊ ဇနေတ္တိ တေန ၀ုစ္စတိ=မိခင်သည် သားသမီးတို့ တစ်နှစ်လည်းကောင်း၊ ယုတ်လျှော့၍လည်းကောင်း ၀မ်းနှိုက်လွယ်ပြီးမှ မွေးဖွားခဲ့ရပါသည်။ ၀မ်းနှိုက်လွယ်ကြင်၊ ဖွားသန့်စင်၊ ခေါ်တွင် ဇနေတ္တိ။ ထနခီရေန ဂီတေန၊ အင်္ဂပါဝုရဏေန စ၊ ရောဒန္တံ ပုတ္တံ တောသေတိ၊ တောသေန္တိ တေန ၀ုစ္စတိ=မိခင်သည် ငိုကြွေး၍နေသော သားငယ် သမီးငယ်ကို နို့ချိုတိုက်ကျွေးလည်းကောင်း၊ သီချင်းသီဆို၍လည်းကောင်၊ အင်္ဂါအစိတ်အပိုင်းတွေကို ပွေ့ပိုက်၍လည်းကောင်း ချော့မြူ၏။ ။ တတော ၀ါတာတပေ ဃောရေ၊ မမံ ကတွာ ဥဒိက္ခတိ၊ ဒါရကံ အပ္ပဇာနန္တံ၊ ပေါသေန္တိ တေန ၀ုစ္စတိ= မိခင်သည် သားငယ် သမီးငယ်ကို မိမိနှင့်အတူပြုလျက် မွေးမြူတတ်ကြပါသည်။ သို့အတွက်ကြောင့် စာရေးဆရာ ဒါရိုက်တာကြီး ဦးသုခက ပြာသိုလ်လပြည့် အမေ့နေ့ဆိုပြီး မြန်မာနိုင်ငံမှာ ဖြစ်မြှောက်အောင် ဆောင်ရွက်ခဲ့ခြင်းဖြစ်ပါသည်။ မိဘကို အိမ်မှာမွေးထားသော ခွေးတွေ ကြောင်တွေကို ဘုရားဝိုင်း ကျောင်းဝိုင်းတွေမှာ စွန့်ပြစ်သလို စွန့်ပြစ်ခဲ့သော မိဘများကို ပြုစုလုပ်ကျွေးရမည့်တာဝန်ကို ပျက်ကွက်ခဲ့သော ထိုဇနီးမောင်နှံတို့သည် လောကကြောင်းဖြင့်လည်း အပြစ်သင့်၊ ဓမ္မကြောင်းဖြင့်လည်း အပြစ်သင့်ပေသည်။ ထိုမျှမက ပုဗ္ဗာစရိယဂုဏ်၊ အာဟုနေယျဂုဏ်၊ ဗြဟ္မာဟုခေါ်ဆိုထိုက်သောဂုဏ် စသည်စသည်ဂုဏ်များစွာဖြင့် ပြည့်စုံပေသော မိဘများအား စွန်ပြစ်ခဲ့သော သားသမီးတွေလောက် မိုက်မဲသောသူ လောကမှာ ရှိလိမ့်မည်မဟုတ်ပေ။ တိရစ္ဆာန်တွေထက် မိုက်မဲသောပုဂ္ဂိုလ်များဟု ဆိုလျှင်ပင် ရိုင်းမည်မထင်။ (ဘလောကာ၏ အာဘော်ဖြစ်သည်)။

သမီးအရင်းဖြစ်သူနှင့် သားမက်တို့က မိခင်ဖြစ်သူအသက် ၈၀ ၀န်းကျင်အရွယ်ရှိ အဘွားအိုတစ်ဦးအား ဘုရားတန်ဆောင်းအတွင်း လာရောက်စွန့်ပစ်သည့်ဖြစ်စဉ် ကြည့်မြင်တိုင်မြို့နယ်၌ စက်တင်ဘာလ ၂၉ ရက်နေ့ ညနေ ၅ နာရီအချိန်ဝန်းကျင် အချိန်ကဖြစ်ပွားခဲ့ကြောင်း သိရသည်။
အသက် ၈၀ ကျော်အဘွားအိုကို သားမက်နှင့်သမီးဖြစ်သူတို့က အငှားကားနှင့်ခေါ်ဆောင်လာပြီး ကြည့်မြင်တိုင်မြို့နယ် ကျောင်းကြီးတိုက်ရှိ မဟာသကျမုနိ ရုပ်ပွားတော်မြတ်ကြီး ဂန္ဓကုဋိတန်ဆောင်းကြီး အတွင်း၌ ထားသွားခဲ့ကြောင်း သိရှိရသည်။
စွန့်ပစ်ခံခဲ့ရသော အဘွားအိုမှ ''အိမ်မှာကတည်းက အဘွားရဲ့ သားမက်က အိမ်ပေါ်က ဆင်းသွားဖို့၊ မဆင်းရင် မြစ်ထဲပစ်ချမယ်လို့ပြောလို့ အဘွားက ငါက ရေကြောက်ပါတယ်။ မလုပ်ပါနဲ့လို့ တောင်းပန်ပါတယ်။ ပြီးတော့ သိပ်မကြာခင်မှာ သားမက်နဲ့သမီးက အပြင်သွားမယ်ဆိုပြီးတော့ ကားတစ်စီးပေါ် ခေါ်တင်သွားခဲ့ပါတယ်။ ဘုရားဝင်းတစ်ခုထဲလည်းရောက်ရော သမီးဖြစ်သူက အဘွားကိုဒီမှာ ဘုရားရှိခိုးပြီး ဥပုသ်စောင့်ဆိုပြီးတော့ ထားသွားခဲ့တာပါ။ အခုအဘွားမှာ သား သမီးလည်း မရှိတော့ဘူး။ နေဖို့လည်း မရှိတော့ဘူး'' ဟု စွန့်ပစ်ခံခဲ့ရသည့် အဘွားအိုက ပြောကြားခဲ့သည်။
အဆိုပါအဘွားအိုမှာ ထန်းတပင်မြို့နယ်တွင် နေထိုင်ကြောင်းသိရှိရပြီး သက်ဆိုင်ရာ တာဝန်ရှိသူများမှ ထန်းတပင်မြို့နယ်မှ တာဝန်ရှိသူများနှင့် ချိတ်ဆက်ဆောင်ရွက်နေပြီး အဆင်ပြေခဲ့မှုမရှိပါက နောက်ဆုံးအဆင့် အနေဖြင့် ဘိုးဘွားရိပ်သာသို့ ပို့ဆောင်ပေးသွားမည်ဖြစ်ကြောင်းကို ကြည့်မြင်တိုင်မြို့နယ် အိုးဘိုရပ်ကွက်မှ တာဝန်ရှိသူ ဦးဝေလင်းက ပြောကြားခဲ့သည်။
''အဘွားကလည်း သားသမီးတွေဆီ ပြန်မသွားရဲတော့ဘူးလို့ ပြောပါတယ်။ ဒါကြောင့် ကျွန်တော်တို့အနေနဲ့ကတော့ သာသနာပြုအဖွဲ့တစ်ခုနဲ့ ပူးပေါင်းပြီးတော့ ဘိုးဘွားရိပ်သာကို ပို့ပေးဖို့စီစဉ်ထားပါတယ်'' ဟု ဦးဝေလင်းက ပြောကြားခဲ့သည်။
ယခုအချိန်အထိ အဘွားအိုအား ကျောင်းကြီးတိုက်အတွင်းရှိ ဘုံပျံကျောင်း စားဖိုဆောင်တွင် အမျိုးသမီး အဖော်တစ်ဦးနှင့် ခေတ္တစောင့်ရှောက်ထားကြောင်း သိရှိရသည်။
(မူရင်း)

ရတနာဆိုတဲ့အဓိပ္ပါယ်က “ရတိံ ဇနေတီတိ ရတနံ” လူတိုင်းရဲ့စိတ်ကို နှစ်သက်ခြင်းကိုဖြစ်စေတတ် သောကြောင့် “ရတနာ” ဟုဆိုပါသည်။ လောကတွင် “ရတနာ” အမျိုးမျိုးရှိ၏။ ထိုရတနာတို့ကို အုပ်စုအလိုက် တူညီရာတူညီရာခွဲခြားပြရလျှင် ဘာသာရေးအနေနှင့် ရတနာသုံးပါးရှိ၏။ ထို့အပြင် သဒ္ဓါ သီလ သုတ စာဂ ပညာ ဟိရီ သြတ္တပ္ပဟုဆိုအပ်သော လောကုတ္တရာရတနာခုနှစ်ပါးကို ဘုရားရှင်ကိုယ်တော်မြတ်ကြီးက မိန့်ကြား တော်မူခဲ့သည်။ လောကီရတနာလက်ဝတ်တန်ဆာတွေဖြစ်သော ရွှေ ငွေ ပုလဲ ပတ္တမြား ကြောင်မျက်ရွဲ စိန် သန္တာ အားဖြင့်သက်မဲ့ရတနာခုနှစ်ပါးရှိသလို သက်ရှိအားဖြင့် သားရတနာ သမီးရတနာ ဆင်ရတနာ မြင်းရတနာ နွားလားဥသဘရတနာ စသည်ဖြင့်ရှိ၏။ လောကတွင် လူတိုင်းလူတိုင်း ရတနာဆိုသည့်အရာကို နှစ်သက်မြတ် နိုးမှုခြင်းတူညီသလို တန်ဖိုးလည်းထားတာခြင်းလည်း တူညီကြ၏။ ရယူပိုင်ဆိုင်လိုခြင်းလည်း တူညီကြ၏။ သို့သော်ငြားလည်း လူတိုင်းလူတိုင်းမှာမတူကွဲပြားသည့်လိုအင်ဆန္ဒများရှိကြလေသောကြောင့် သက်ရှိသက်မဲ့ စသည်အားဖြင့်ကွဲပြားနေသော ရတနာများ၏အပေါ်မှာ နှစ်သက်မြတ်နိုးတန်ဖိုးထားမှုများလည်း ကွဲပြားလာကြ တော့၏။ အချို့က ရွှေကိုတန်ဖိုးထားကြသလို အချို့ကလည်း ငွေကိုတန်ဖိုးထားကြ၏။ အချို့က ပတ္တမြားကို တန်ဖိုးထားကြသလို အချို့ကြပြန်တော့ စိန်စသည်ကိုတန်ဖိုးထားကြပြန်၏။ တစ်ချို့ကြပြန်တော့လည်း သက်ရှိ ဖြစ်တဲ့ သားရတနာသမီးရတနာ ဆင်မြင်းစသောသက်ရှိသတ္တ၀ါတွေကို တန်ဖိုးထားတတ်ကြပြန်၏။ ရတနာ အမျိုးမျိုးတို့ကို တန်ဖိုးထားသတ်မှတ်မှုများမည်သို့ပင်ကွဲပြားခြားနားနေပါစေ ထိုရတနာများကို တန်ဖိုးထား သတ်မှတ်နေကြသူများ၏နောက်ကွယ်မှ အနှစ်သာရအစစ်အမှန်ကို ဖော်ထုတ်ရှာဖွေသင့်ပေသည်။ ထိုရတနာ များကို တန်းဖိုးထားနေကြသူများ၏နောက်ကွယ်မှ တကယ့်ရလဒ်အစစ်အနှစ်သာရကား အဘယ်နည်း။
မည်သည့် “ရတနာ” မဆို သူအတိုင်းတာနဲ့သူတော့တန်ဖိုးရှိကြ၏။ ထိုသို့တန်ဖိုးရှိနေသည့်အတွက် ကြောင့်ပင် လူတိုင်းကတန်ဖိုးထား ကြသည်ဟုဆိုလျှင် မှားမည်မထင်ပေ။ ဘာသာတရားနှင့်ပတ်သက်သော ရတနာတွေကို လောကုတ္တရာရတနာဟုခေါ်ဆိုကြသလို လောကီအဆင်တန် ဆာဖြစ်သော ရွှေငွေစိန်ကျောက် စသောရတနာတွေကိုတော့ လောကီရတနာဟုခေါ်ဆိုကြ၏။ ဘာသာတရားနှင့်ပါတ်သက်သောရတနာတို့၏ တန်ဖိုးကို ဤနေရာ၌အကျယ်တ၀င့်မရေးတော့ပေ။ အဘယ့်ကြောင့်ဆိုသော် ဘာသာတရားနှင့်ပါတ်သက် သောရတနာတို့၏အဓိပ္ပါယ်နှင့် ၄င်းတို့၏အနှစ်သာရကား အလွန်အင်မတန်မှကျယ်ဝန်းများပြားလှသလို ဘက်ပေါင်းစုံကနေပြည့်စုံအောင်တင်ပြဖို့ရန်လည်း အလွန်တရာမှသိမ်မွေ့နက်နဲခက်ခဲလှ၏။ ထို့ကြောင့် ဘာသာ တရားနှင့်ပါတ်သက်သော ရတနာများ၏အနှစ်သာရနှင့်အဓိပ္ပါယ်တို့ကို အကျယ်တ၀င့်မရေးသားတော့ပဲ အနည်းအကျဉ်းလောက်သာရေးသား၍ နောင်တချိန်တွင် အလျင်းသင့်သလိုဖော်ပြရေးသားပါမည်။ ဤနေရာ၌ လောကီရတနာများဖြစ်ကြသော ရွှေ ငွေ စိန် ကျောက်စသည့်ရတနာ တို့၏အကြောင်းအရာတို့ကိုသာ ဤနေရာ၌ အကျယ်တ၀င့်တင်ပြသွားပါမည်။ ပထမဆုံးအနေဖြင့် လောကီရတနာဖြစ်သောရွှေအကြောင်းကို ရေးသားတင်ပြရလျှင် ရွှေကို လူတိုင်းနီးပါးနှစ်သက်မြတ်နိုးကြသည်ဟုဆိုပါလျှင်လွန်မည်မထင်ပေ။ ရွှေကို မည်သည့်ခေတ်လောက်ကတည်းက လူတွေစတင်၍အသုံးပြုလာခဲ့ကြသနည်းဟု လေ့လာကြည့်သောအခါ မည်သူကရွှေကိုစတင်တွေ့ရှိသည်ဆိုသည့်အချက်ကို သေချာစွာမပြောနိုင်ကြ သော်လည်း ရွှေကိုလူတွေ နှစ်ပေါင်း ၂၆၀၀ ကျော် ဘီစီ လောက်ကတည်းက စတင်ရှာဖွေတွေ့ရှိခဲ့ကြပြီး အီဂျစ် ဂရိ ရောမနှင့် အာဖရိကတိုက်ရှိလူများစွာတို့သည် ရွှေကို စတင်အသုံးပြုခဲ့ကြသည်ဟုတွေ့ရှိရ၏။ ယခုအခါ ရှာဖွေတွေ့ရှိမှု အတိုင်းအတာအားဖြင့် အနည်းများကွာခြား ကောင်းကွာခြားနိုင်သော်လည်း ရွှေကို နိုင်ငံတော်တော်များများ တွင်ရှာဖွေတွေ့ရှိနေကြ၏။ ခေတ်တွေစနစ်တွေ တိုးတက်ပြောင်းလည်းလာသောအခါ ရွှေကို ရွှေဖြူ- Platinum ရွှေဝါ-Gold ဟူ၍ နှစ်မျိုးနှစ်စားခွဲခြား၍ထုတ် လုပ်လာနိုင်ခဲ့ကြ၏။ ရွေကို Barter- အာမခံစနစ်တစ်ခုအနေဖြင့် ဟိုရှေးယခင်ကတည်းက အသုံးပြုခဲ့ကြသည်ဟုမှတ်တမ်းများတွင် လေ့လာတွေ့ရှိရပါသည်။ ယခုအချိန်ထိလည်း ကမ္ဘာပေါ်တွင်ရှိသော နိုင်ငံတော်အစိုးရ တော်တော်များများသည်လည်းကောင်း ကုန်သည်ပွဲစားများသည် လည်းကောင်း ရွှေကို အာမခံပစ္စည်းတစ်ခု အနေနှင့်ဘဏ်တွေမှာအပ်နှံထားကြသလို စီးပွါးရေးရောင်းကုန် ပစ္စည်းတစ်ခုအနေအားဖြင့်လည်း ရောင်းဝယ်မှု တွေကိုယခုခေတ်ကာလတိုင်အောင် ပြုလုပ်နေကြဆဲဖြစ်သည်။ ဘုရားရှင်လက်ထက်တော်ကလည်း အနာပိဏ် သူဋ္ဌေးကြီးသည် ဇေတမင်းသား၏ဥယျာဉ်တော်ကိုဝယ်ယူဖို့ရာ အတွက် မိမိပိုင်ဆိုင်သောရွှေဒင်္ဂါး အသပြာများကို အချင်းချင်းထိအောင်ခင်းကာ ၀ယ်ယူခဲ့ရသည်ဟု ပိဋကတ် စာပေတို့၌တွေ့ရှိရ၏။ ကမ္ဘာ့စီးပွါးရေးဈေးကွက်ဖြစ်သော Stock share ဈေးတွေမှာလည်း ရွှေဈေး၏အတက် အကျပေါ်မှာမူတည်၍ ဈေးအရောင်းအ၀ယ်ကိစ္စတွေကို စကားပြောဆိုကြ၏။ မိမိနိုင်ငံ၏ငွေကြေးစနစ်တောင့် တင်းခိုင်မာမှုရှိလာစေရန်အတွက် နိုင်ငံတော်ခေါင်းဆောင်များက ဆွစ်ဇာလန်နိုင်ငံရှိကမ္ဘာ့ဘဏ်ကြီးတွင် ရွှေကို အာမခံအနေဖြင့် စဘော်တင်၍ထား ကြသည်။ ကမ္ဘာပေါ်တွင် ရွှေသည် နေရာတော်တော်များများ၌ အရေးပါ အရာရောက်သော ပစ္စည်းတစ်ခုအဖြစ် တည်ရှိနေသည်မှာသိသာထင်ရှားလှ၏။ ရွှေကို အစိုးရနှင့်ကုန်သည် ပွဲစားလူတန်းစားများသာ အသုံးပြုကြသည်မဟုတ် သာမန်လူတန်းစားတို့လည်းအမြတ်တနိုးဝယ် ယူဝတ်ဆင် တတ်ကြသည်ကိုတွေ့ရှိရ၏။ တစ်ချို့တစ်ချို့သောလူတွေကလည်း “ရှိတော့တန်ဆာ မရှိတော့ ၀မ်းစာ” ဆိုသောလောကစကားအတိုင်း စီးပွါးရေးအဆင် ပြေနေစဉ်အချိန်မှာ လက်ဝတ်တန်းဆာအနေနှင့်ဝတ်ဆင် လေ့ရှိကြပြီး စီးပွါးရေးအဆင်မပြေသောအခါ ထိုလက်ဝတ်ရတနာများကိုရောင်းချကာ စားသောက်ကြ၏။ ဘာသာရေးနှင့်ပတ်သက်သော အဆောက်အဦးများတွင်လည်း ရွှေကိုအမြတ်တနိုးတန်ဖိုးထားကာ လှူဒါန်းလေ့ ရှိကြသည်။ ဤကဲ့သို့ နေရာတော်တော်များများ၌အသုံးဝင်သော တန်ဖိုးလည်းအလွန်ရှိသော ရွှေကို လူတွေတော်တော်များများနှစ်သက်ကြ တန်ဖိုးထားကြသည်မှာ အပြစ်ဆို ဖွယ်ရာမရှိပေ။
ထို့အတူပင် ရွှေထက်တန်ဖိုးကြီးသောပစ္စည်းတစ်မျိုးကား လူ့လောကတွင်ထင်ထင်ရှားရှားရှိနေပါသည်။ ထိုပစ္စည်းကား စိန်ဆိုသော ရတနာပစ္စည်းပင်ဖြစ်သည်။ စိန်ကို လွန်ခဲ့သောနှစ်ပေါင်း ၂၄၀၀ ကျော် ဘီစီ အချိန်လောက်ကတည်းက အိန္ဒိယနိုင်ငံတွင် ရှာဖွေတွေ့ရှိခဲ့သည် ဟုသိရပါသည်။ ယခုအခါမှာတော့ စိန်ကို အိန္ဒိယ အာဖရိက ကနေဒါ ရုရှား ဘရာဇီး နှင့် သြစတေးလျှနိုင်ငံတို့တွင်လည်း တူးဖော်တွေ့ရှိနေပြီဖြစ်ကြောင်း ကြားသိရပါသည်။ ရွှေဆိုသော ရတနာကို နိုင်ငံတော်တော်များများတွင်ရှာဖွေတွေ့ရှိနိုင်သော်လည်း စိန်ဆိုသော ရတနာပစ္စည်းသည် ရွှေကဲ့သို့မဟုတ်ပေ အထက်တွင်ဖော်ပြခဲ့သော နိုင်ငံအနည်းအကျဉ်းလောက်မှာသာ ရှာဖွေတွေ့ရှိနိုင်သောပစ္စည်းဖြစ်ပါသည်။ စိန်ကိုစတင်တွေ့ရှိစဉ်အခါက အဖြူရောင်တစ်မျိုးတည်းကိုသာတွေ့ ရှိခဲ့ကြသော်လည်း ယခုအချိန်တွင် စိန်ကိုအရောင်အသွေကိုစုံလင်စွာဖြင့် ရှာဖွေတွေ့ရှိလာခဲ့ကြပြီဖြစ်ပါသည်။ ထိုကာလာများကိုဖော်ပြရလျှင် အ၀ါရောင် အညိုရောင် မီးခိုးရောင် အပြာရောင် အစိမ်းရောင် အနက်ရောင် ပန်းရောင် မရမ်းရောင် လိမ္မော်ရောင် ခရမ်းရောင် အနီရောင် ဟူ၍အရောင်များစွာကို ရှာဖွေတွေ့ရှိလာခဲ့ပြီဖြစ် သည်။ နောက်တစ်ချက်အနေဖြင့် စိန်ဟူသောကျောက်ရိုင်း တစ်ပွင့်ဖြစ်လာဖို့ရာအတွက် “ဟို……လွန်ခဲ့သော နှစ်ပေါင်းမီလီယမ် (Million) ဒါမှမဟုတ် နှစ်ဘီလီယမ် (Billion) ပေါင်းများစွာလောက်က ကမ္ဘာမြေပြင်ကြီး၏ အောက် မိုင်တစ်ရာနှင့် တစ်ရာကျော်ဝန်းကျင်လောက်ရှိသောနေရာတွင် သန့်စင်သောကာ ဘွန်ကျောက်များကို အလွန်အင်အား ပြင်းလှသောအပူရှိန်များ၏ ဓာတ်သတ္တိများနှင့် အလွန်ပြင်းထန်သော ကမ္ဘာ့ဖိအားများကြောင့် ကာလာမရှိသောစိန်ရိုင်းကျောက်များအဖြစ် ရောက်ရှိစေခဲ့သည်” ဟု ပညာရှင်များ၏ မှတ်တမ်းများတွင်လေ့လာ ဖတ်ရှုရပါသည်။ လောကမှာ အမာကြောဆုံးအရာကိုညွှန်ပြပါဟုဆိုလာလျှင်လည်း စိန်ကိုသာညွှန်ပြရမည် ဖြစ်ပါသည်။ ထိုသို့သောအချက်တွေကြောင့်ပင် ရတနာဆိုသောအရာသည် နေရာတိုင်းမှာရှာဖွေ၍မတွေ့ရှိနိုင် သလို လွယ်လွယ်ဖြင့်လည်းမရရှိနိုင်ပေ ထွက်ပေါ်လာဖို့ရာလည်း အလွန်တရာမှခဲရင်းလှ၏။ ပေါ်ထွက်လာလျှင် လည်း ထိုရတနာနှင့်ထိုက်တန်သောကံရှိ သူများသည်သာ ၀တ်ဆင်ခွင့်ပိုင်ဆိုင်ခွင့်များကိုရရှိနိုင်ကြပေသည်ဟု ဘုရားရှင်ကိုယ်တော်မြတ်ကြီးက မိန့်ကြားတော်မူခဲ့ပါသည်။ သို့သော်ငြားလည်း လောကလူသားတိုင်းသည် ပုထုဇဉ်သဘာဝအရ ရတနာတွေကိုအမြတ်တနိုးတန်ဖိုးထားကြသလို ရယူပိုင်ဆိုင်လိုစိတ်တွေလည်းအနည်း နှင့်အများ ဆိုသလိုရှိကြသည်ဟုဆိုလျှင် လွန်မည်မထင်ပေ။ ထိုရယူပိုင်ဆိုင်လိုသော လောဘတဏှာကြောင့် အချို့အချို့သောလူများသည် သမ္မာအာဇီဝဖြင့် ရွှေငွေစိန်ကျောက်စသောရတနာပစ္စည်းတွေကို ရအောင်ရှာဖွေ စုဆောင်းတတ်ကြသလို အချို့အချို့သောလူများကတော့ မိစ္ဆာဇီဝဖြင့် ရွှေငွေစိန် ကျောက်စတဲ့ရတနာပစ္စည်း တွေကို နည်းမျိုးစုံသုံး၍ရအောင်ရှာဖွေစုဆောင်းကြ၏။ ထိုသို့ရှာဖွေကြသူများတွင် ရသူတွေရှိသကြလို မရသူ များလည်းရှိကြ၏။ အဘယ့်ကြောင့်နည်းဟူမူ ရတနာဆိုသောပစ္စည်းသည်ကား ထိုက်မှရယူနိုင်သောပစ္စည်း ဖြစ်သောကြောင့်ဖြစ်သည်။ မရရှိသော သူများသည် စိတ်ဆင်းရဲ စိတ်ဓာတ်ကျဝမ်းနည်းမှုတွေဖြစ်ကြရသကဲ့သို့ ရယူပိုင်ဆိုင်ခွင့်ရှိသူများအနေဖြင့် ပျော်ရွှင်မှု မော်ကြွားမှုတွေ စိတ်ဓာတ်တက်ကြွမှုစသော ကိလေသာ စိတ်တွေ ဖြစ်လာကြ၏။
ထိုအကြောင်းကိုပင်ဘုရားရှင်က အင်္ဂုတ္တရနိကာယ် န၀ကနိပါတ် သတ္တ၀ါသ၀ဂ် တဏှာမူလကသုတ် တော်မှာ တဏှာအရင်းခံရှိသော တရား(၉)ပါးကို ဟောတော်မူခဲ့ပါတယ်။ ဒီတရား(၉)ပါးမှာ “ရယူပိုင်ဆိုင်လို ခြင်းဆိုတဲ့ တဏှာကိုအကြောင်းပြုပြီးတော့ ရှားမှီးခြင်းဖြစ်တယ်။ ရှာမှီးခြင်းကိုအကြောင်းပြုပြီးတော့ ရရှိခြင်းဖြစ် တယ်။ ရရှိခြင်းကိုအကြောင်းပြုပြီးတော့ ဆုံးဖြတ်ခြင်းဖြစ်တယ်။ (ဆိုလိုသည်မှာ ရရှိလာသော ဥစ္စာပစ္စည်းပေါ်မှာ အလိုရှိတာ အလိုမရှိတာ လှတာမလှတာ ကောင်းတာမကောင်းတာတွေကိုကြံစီဆုံးဖြတ်ခြင်း ရရှိလာသော ဥစ္စာပစ္စည်းတွေအပေါ်မှာ ဒီဟာကကရူပါရုံတွေခံစားဖို့ ဒီဟာကသဒ္ဒါရုံတွေခံစားဖို့စသည်ဖြင့် အာရုံငါးပါး ကာမဂုဏ်တရားတွေခံစားဖို့ရာ စီမံဆုံးဖြတ်ခြင်းနှင့် ဒီဟာကငါ့အတွက် ဒီဟာကသူတစ်ပါးတွေအတွက် ဒီဟာကသုံးဖို့စွဲဖို့ ဒီဟာကသိမ်းဆည်းထားဖို့ စသည်ဖြင့်စီမံဆုံးဖြတ်ခြင်းကိုဆိုလိုပါသည်ဟု အဋ္ဌကထာဆရာက ဖွင့်ဆိုထားပါတယ်) ဆုံးဖြတ်ခြင်းကိုအကြောင်းပြုပြီးတော့ ဆန္ဒရာဂဖြစ်တယ်။ ဆန္ဒရာဂကို အကြောင်းပြု ပြီးတော့ ငါ ငါ့ဟာဟူသော အားကြီးသောဆုံးဖြတ်ခြင်းဖြစ်တယ်။ ငါ ငါ့ဟာ ဟူသောအားကြီး သောဆုံးဖြတ်ခြင်း ကိုအကြောင်းပြုပြီးတော့ သိုမှီးသိမ်းဆည်းခြင်းဖြစ်တယ်။ သိုမှီးသိမ်းဆည်းခြင်းကို အကြောင်းပြုပြီးတော့ မနာလိုဝန်တိုမှု“ဣဿာမစ္ဆရိယ” ဖြစ်တယ်။ မနာလိုဝန်တိုမှု “ဣဿာမစ္ဆရိယ” ကို အကြောင်းပြုပြီးတော့ စောင့်ရှောက်ခြင်းတွေဖြစ်လာတယ်။ စောင့် ရှောက်ခြင်းကိုအကြောင်းပြုပြီးတော့ တုတ် ဓားစသောလက်နက် တွေကို ကိုင်ဆောင်ခြင်း ခိုက်ရန်ဖြစ် ခြင်းငြင်းခုံခြင်း စကားများခြင်း နင်ပဲ ငါပဲစသည်ဖြင့်ရိုင်းစိုင်းစွာ ပြောဆိုခြင်း ကုန်းတိုက်ခြင်း အမှားပြောခြင်းစတဲ့ များစွာကုန်သောအကုသိုလ် တရားတွေကိုဖြစ်ပွါးစေသည်” ဟု ဘုရားရှင် ကိုယ်တော်မြတ်ကြီးက အင်္ဂုတ္တရနိ ကာယ်တွင်ဟောတော်မူခဲ့၏။ ထိုအချက်များကိုကြည့်သောအားဖြင့် “မရှိတောင်းတ ရှိကြောင့်ကြ” ဆိုသော လောကစကားအတိုင်း လောကလူသားများသည် ဥစ္စာပစ္စည်းများမရှိ လျှင်လည်း ရှိလာအောင်လိုလားကြ တောင်းတကြ၏ ရရှိလာကြပြန်လျှင်လည်း ခိုးသူစသောရန်သူမျိုးငါးပါး ၀င်ရောက်နှောက်ယှက်ဖျက်ဆီးမည့်အ ရေးကို စိုးရိမ်ကြောင့်ကြပူပန်မှုများ ဖြစ်ကြရပြန်၏။
ထို့ကြောင့် ရသူ မရသူဟူသော ထိုလူတန်းစားနှစ်ရပ်၏ နောက်ဆက်တွဲဖြစ်ပေါ်လာနိုင်သည့် အကြောင်းအရာများကို ဆန်းစစ်ကြည့်လိုက်သောအခါ ကောင်းကျိုးတွေရှိသလို ဆိုးကျိုးများကိုလည်းတွေ့ရှိနေ ရပေသည်။ မရသူများအတွက်မှာမူ ပဌမဆုံးအနေဖြင့် “အလာဘော” လာဘ်မရခြင်းဆိုသောလောကဓံကို ခံစားကြရပါသည်။ စည်းစိမ်ဥစ္စာမရှိသောအခါ ဘ၀ကိုပင်ပင်ပန်းပန်းဖြတ်သန်းရသလို မိမိဆန္ဒရှိသော ကောင်းသောအလုပ်များကိုဆန္ဒရှိ သလောက်ပြုလုပ်ခွင့်မရရှိနိုင်ကြပေ။ မိမိရရှိထားသောလက်ရှိဘ၀လောက် နှင့်မတင်းတိမ်နိုင်ပါက လုယက်ခိုးဝှက် ခြင်းစသောမကောင်သည့်ဒုစရိုက်အလုပ်များကို ပြုလုပ်လာကြတော့၏။ အရေးအကြီးဆုံးအချက်သည် မိမိ၏လက်ရှိဘ၀ မိမိ၏လက်ရှိအခြေအနေကို အမှန်အတိုင်းသိရှိထားဖို့ပင် ဖြစ်သည်။ မိမိဘ၀အမှန်ကိုမသိပါဘဲ ချမ်းသာသူများ၏ ဘ၀တွေကိုအားကျအတုယူနေကြမည်ဆိုလျှင် ထိုသူတို့၏ထိုထို လုပ်ရပ်များသည် မတရားသောနည်းလမ်းများဖြင့်သာ ပစ္စည်းဥစ္စာများကိုရှာဖွေဖို့က ပို၍များလေ တော့၏။ တရားသောနည်းနှင့် ကျိုးစားရှာဖွေသူတို့ကား ရှိတောပါရှိ၏ သို့သော် ရှား၏ဟူ၍သာ ပြောရမည် ဖြစ်ည်။ သူတစ်ပါးတို့ မျက်ရည်ကြီးငယ်ကျပြီးမှ ကိုယ်အတွက်ချမ်းသာသုခကို ရမည်ဆိုပါလျှင် ထိုချမ်းသာသုခ သည် ချမ်းသာစစ်ချမ်းသာမှန်မဟုတ် ထိုချမ်းသာသုခ၏နောက်ကွယ်တွင် ဖြစ်ပေါ်လာမည့် အကျိုးရလဒ်များ ကား မိမိအတွက်လည်းအန္တရာယ်များစွာရှိလာနိုင်၏ ထိုအန္တရာယ်တို့မှလွတ်မြောက်ဖို့ရန် လည်းခဲရင်းလှ၏။ ထို့ကြောင့်ပင် “ပရ ဒုက္ခူပဒါနေန၊ အတ္တနော သုခမိစ္ဆတိ။ ဝေရာ သံသဂ္ဂ သံသဋ္ဌော၊ ဝေရာသော န ပရိမုစ္စတိ”ဟု ခုဒ္ဒကနိပါတ ဓမ္မပဒပါဠိတော် ကုက္ကုဋအဏ္ဍခါဒိက၀တ္ထု၌ ဘုရားရှင်ဟော ကြားတော်မူခဲ့ပေသည်။ လာဘ်မရသူများအနေနှင့် မိမိတို့၏ ဘ၀ပေးအကုသိုလ်ကံကိုကောင်းစွာ သဘော ပေါက်နားလည်ပြီးလျှင် “ရှေးကဆိုးလို့ အခုဆိုးပါသည် အခုဆိုးနောင်ဆိုးပါလိမ့်မည်” ဆိုသောစကားအတိုင်း ရှေးအတိက်ကံကြောင့် ယခုဘ၀မှာ ဆင်းတောင့်ဆင်းရဲနေထိုင်နေရသည်ကို နားလည်သဘောပေါက်ကာ နောင်ဘ၀ကောင်းစားရေး အတွက် ယခုလက်ရှိဘ၀မှာ မိမိအတွက်နှင့် သူတစ်ပါးတို့ဒုက္ခရောက်မည့်အလုပ် မျိုးတွေကို မလုပ်မိအောင် ဆင်ခြင်နေထိုင်ကာ မိမိတတ်စွမ်းသလောက် စွန့်ကြဲပေးကမ်းလှူဒါန်းခြင်းအမှုများကို ပြုလုပ်နေထိုင်ကြပါလျှင် နောက်နောင်ဘ၀သံသရာ များစွာဝယ် ဆင်းရဲတွင်းကလွတ်မြောက်နိုင်ကြပေလိမ့် မည်။ အချုပ်ဆိုရသော် ဆင်းရဲ သူလူတန်းစားဖြစ်စေ ချမ်းသာသူလူတန်းစားဖြစ်စေ သန္တုဋ္ဌီမင်္ဂလာနှင့်ပြည့်စုံဖို့က အင်မတန်မှအရေးကြီးလှ ပေသည်။ သန္တုဋ္ဌီမင်္ဂလာကို မလိုက်နာနိုင်လျှင်တောင် အန၀ဇ္ဇကမ္မမင်္ဂလာကိုတော့ ကောင်းမွန်စွာလိုက်နာ ကျင့်သုံးနေထိုင်သင့်ကြပေသည်။ သို့မှသာ ဤကမ္ဘာလောကကြီးအတွင်း၌ ကိုယ့်ဘ၀ ကိုယ့်မိသားစု ကိုယ့်အသိုင်းအ၀ိုင်း အသက်ဆက်လက်ရှင်သန်နေထိုင်ဖို့ရာအတွက် တခြားသောသူများ၏ ဘ၀များကို မထိခိုက်မဆုံးရှုံး အောင်နေထိုင်သွားမည်ဆိုသည့်အသိစိတ်က မိမိနှလုံးသားမှာထာဝရ ရှင်သန် နေမှာဖြစ်ပေသည်။ ထိုသန္တုဋ္ဌီစိတ်ထား အန၀ဇ္ဇကမ္မစိတ်ထားတို့ဖြင့် နေထိုင်ကြမည်ဆိုလျှင် အရာရာကို မစွန့်လွတ် နိုင်သေး၊ ရည်ရွယ်ချက်များ ထမြောက်အောင်မှုမရရှိသေးသော်လည်း ဘ၀ရှင်သန်ရေးအတွက် သန့်သန့်ရှင်းရှင်း အေးအေးချမ်းချမ်း တည်တည်ငြိမ်ငြိမ် နေထိုင်သွားနိုင်ကြမည်ဖြစ်သည်။ ဤကဲ့သို့ မစောင့်စည်း နိုင်ခဲ့ပါလျှင် ထိုသူတို့၏ဘ၀များသည် ပင်လယ်ပြင်ကဆားငန်ရေသောက်မိသူပမာ “သောက်လေ သောက်လေငတ်မပြေသို့” ဆိုသည့်စကားလို ရလေလိုလေဖြစ်ကာ လောဘနောက်သို့ကောက် ကောက်ပါ အောင်လိုက်နေကြရ ပေလိမ့်မည်။
ရသူများအတွက်မှာမူ “ လာဘော ” လာဘ်ရခြင်းဟူသော ကောင်းသည့်လောကဓံတရားကို ခံစားကြ ရပါသည်။ ထို့နောက် မိမိတို့ဆန္ဒရှိသော ကောင်းသောအလုပ်များကိုဆန္ဒရှိသလောက်ပြုလုပ်ခွင့်ရကြ သလို မကောင်းသည့်အလုပ်များကိုလည်းလုပ်ခွင့်ရကြလေတော့၏။ လူ၏သဘောကလည်း မကောင်းသည့်အာရုံတွေ အပေါ်မှာသာမွှေ့လျှော်တတ်ကြသည်ကများလေသောကြောင့် စည်းစိမ်ဥစ္စာကြွယ်ဝသူလူအများစုသည် ကုသိုလ် ကောင်းမှုလုပ်ငန်းများတွင် မိမိတို့၏စည်းစိမ်ဥစ္စာများကို အသုံးမပြုလေ့မရှိကြဘဲ မကောင်းသည့် လုပ်ငန်းများ ၌သာ အသုံးပြုကြသည် ကများလေသည်။ ထို့ကြောင့်ပင် ဘုရားရှင်ကိုယ်တော်မြတ်ကြီးက “ပါပသ္မိံ ရမတိ မနော” ဟု ဟောတော်မူခဲ့ခြင်းဖြစ်သည်။ သေချာစွာစဉ်းစား ကြည့်ကြမည်ဆိုလျှင် ဘ၀မှာထိုပျော်ရွှင် မှုမျိုးများကို မည်မျှအထိပျော်နိုင်ကြပါမည်လဲ သက်တန်းဘယ်မျှအထိပျော်နိုင်ကြမည်လဲ ဘယ်အရွယ်လောက် ထိပျော်နိုင်ကြပါမည်လဲဆိုတာကိုဆင်ခြင်တွေးတောသင့်ပေသည်။ မိမိတို့၏ စိတ်ဆန္ဒအလျှောက် ငါးဖြာအာရုံ ကာမဂုဏ်များကို ပုထုဇဉ်သဘာဝခံစား ပျော်ပါးနေကြစဉ်မှာ နောက်ဆက်တွဲဖြစ်ပေါ်လာနိုင်မည့်ဆိုးကျိုးများကို ထည့်သွင်းစဉ်းစားကြသူကား အလွန်ပင်ရှားပါးလွန်းလှ၏။ ထိုပျော်ပါးမှု၏နောက် ကွယ်တွင် ဆိုးကျိုးများက အလွန်ပင်များလှသည်။ မလိုမုန်းထားသူပေါများခြင်း ရန်ငြိုးထားသူများခြင်း စီးပွါးရေးကြီးပွါးရေးလာဘ်လာဘ များတဖြည်းဖြည်းလျှော့ကျလာခြင်း စိတ်ချမ်းသာမှုမှကင်းဆိတ်ခြင်း ပတ်ဝန်းကျင်တွင်မျက်နှာပန်းမလှခြင်း အရှက်ရတတ်ခြင်း မိမိချစ်သူနှင့်ကွဲကွာတတ် ခြင်းစသော ပစ္စုပ္ပန်ဆိုးကျိုးများကိုရရှိတတ်သလို အမျိုးယုတ်၌ ဖြစ်ခြင်း နပုံးပဏ္ဍုတ်ဖြစ်ခြင်းစသော သံသရာအတွက်ဆိုးကျိုးများစွာကိုလဲရရှိနိုင်ပေသည်။ ထိုမျှမကသေး မိမိကသတိလက်လွတ် မဆင်မခြင် အပျော်လွန်မိပြန်လျှင်လည်း ထူးခြားဆန်းပြားလှသည့်ယခုခေတ်ဖြစ်ပေါ် နေသောရောဂါဘယများ ကလည်း မိမိသာမက မိမိ၏မိသားစုကိုပင်ဘ၀ပျက်သွား စေနိုင်သည့်ကြောက်စရာ ရောဂါဆိုးရောဂါဆန်းများဖြစ်သည်။ “အသွားမတော်တော့တစ်လှမ်း အစားမတော်တော့တစ်လုပ်” ဆိုသည့် စကားလို ယခုခေတ်ကာလသည် စားသတိသွားသတိဟု နေရာတိုင်းတွင်သတိထားပါမှ တော်ကာကျမည့်ခေတ် ကြီးဖြစ်သည်။ “မနုဿတ္တဘာဝေါ ဒုလ္လဘော” ဆိုသည့်စကားအတိုင်း လူ့ဘ၀ဟူသည် အလွန်အင်မတန်မှ ရခဲလှသော အခွင့်အရေးတစ်ရပ်ဖြစ်သည်။ ခက်ခဲစွာရရှိလာသော လူ့ဘောင်လူ့ဘ၀ဆိုတာကို သံသရာနဲ့ ယှဉ်ကြည့်လိုက်မယ်ဆိုပြန်ရင်လည်း ခဏမှ တစ်ကယ့်ကိုခဏလေးဖြစ်သည်။ ထို့ကြောင့် ရခဲလှသောလူဘ၀ ကိုရစဉ်အခိုက်အတန့်မှာ “လသာတုန်း ဗိုင်းငင်” ဆိုသည့်စကားလို အနှစ်သာရရှိသော ဘ၀တန်ဖိုးများကို အမိအရယူသင့်ကြ၏။ ထိုသို့မဟုတ်ပါဘဲ တရားသဘောအရ မိမိတို့တကယ်မပိုင်ဆိုင်သောရွှေငွေဥစ္စာရတနာ များကို အလွန်အမင်းပိုင်ဆိုင်သည်ဟုအထင်ရောက်နေပါလျှင် မိမိတို့ကရွှေငွေဥစ္စာပစ္စည်းများအပေါ် တန်ဖိုး ထားမှုလွန်ကဲနေပါလျှင် ရွှေငွေဥစ္စာပစ္စည်းတို့၏ ကဲ့ရဲ့လှောင်ပြောင်ရယ်မောခြင်းကိုခံရလိမ့်မည်ဟု စိန္တကျော်သူ ဦးသြ၏ သြ၀ါဒထူးပျို့ဆုံးမစာ ပိုဒ်ရေ ၁၅ တွင် ဤသို့စပ်ဆိုဆုံးမထားပါသည် “ငါ့ဝယ် ငါ့ရွှေ၊ ငါ့ကြေးငွေဟု၊ စိတ်စေကြည်သာ၊ ဆိုပြန်ပါလည်း၊ ကြမ္မာဆော်တိုက်၊ ကောင်းတော်ခိုက်ကို၊ ဧည့်ဆိုက်မျှသာ၊ တည်းခိုပါရှင့်၊ ငါးဖြာရန်သူ၊ ယူလှည့်တို့ပါ၊ သေမင်းခွာလည်း၊ သင့်ရာအလျှောက်၊ တို့ရောက်သည်ပင်၊ တို့အရှင်လျှင်၊ ဖြစ်ချင်းလွန်းလှ၊ လွန်းမင်းစွဟု၊ ဒေါသချီချယ်၊ ရွှေငွေရယ်သည်၊” ဟု ဆုံးမစာကို ရေးသားခဲ့ပါသည်။ တစ်ကယ်တော့လောကကြီးက သူ့ပတ်ဝန်းကျင် တွင်နေထိုင်လျှက်ရှိကြသော သက်ရှိသတ္တ၀ါအားလုံးကို အမြဲတန်းသင်္ခန်းစာများ ပေး၍ဆုံးမလေ့ရှိပါသည်။ လောက၌ “သတိမမူတော့ ဂူမမြင် သတိမူတော့ မြူတောင် မြင်၏” ဆိုသည့်စကားအတိုင်း ထိုသင်္ခန်းစာတို့ကို သတိဖြင့်ဆင်ခြင်ကြည့်ရှု့သူများသာ မြင်တွေနိုင်ကြ ပေသည်။ သတိကင်းလွတ်သူတို့အတွက်မှာမူ မြင်တွေ့နိုင်မည်မဟုတ်ပေ။ မှန်၏ လောကအတွင်း၌ရှိသော ရွှေသူဌေး စိန်သူဌေး ငွေသူဌေးတို့သည် သူတို့အသက်ရှင်စဉ်ကာလမှာ မည်မျှပင်ဥစ္စာပစ္စည်းပေါများပါစေ မည်သို့ပင်ဥစ္စာ ပစ္စည်းပိုင်ဆိုင်ပါစေ သူတို့သေဆုံးသွားကြသည့်အခါ ထိုပစ္စည်းများထဲမှ မြူမှုံမျှလောက်ကိုပင် သူတို့နှင့်တစ်ပါတည်းယူဆောင်၍မသွားနိုင်ကြပေ။ ဆင်းရဲသူလူတန်းစားတို့လည်း ထိုနည်းတူစွာပင် မည်သည့် ဥစ္စာပစ္စည်းကိုမျှယူဆောင်၍မသွားနိုင်ကြပေ။ တစ်ကယ်တန်းယူဆောင်သွားကြရသည်က မိမိတို့ပြုလုပ်ခဲ့ကြ သော ကုသိုလ်ကံ နှင့် အကုသိုလ်ကံတို့သာဖြစ်သည်။ ထိုကုသိုလ်ကံနှင့် အကုသိုလ်ကံတို့သည် မိမိ၏ ဘ၀သံသရာခရီးတွင် သွားလေရာတိုင်း၌ အရိပ်ပမာလိုက်ပါနေမည့်တရားများပင်ဖြစ်သည်။ သို့သော် ကုသိုလ်ကံက ဘ၀အတွက်ချမ်း သာကိုဆောင်ကြဉ်းပေးသော်လဲ အကုသိုလ်ကံသည်ကား ဆင်းရဲဒုက္ခများကို ဆောင်ကြဉ်းပေးပေလိမ့်မည်။ တကယ်တမ်းဥပမာပေးရလျှင် ကုသိုလ်ကံဟူသည် ထောပတ်ဆီဦးနှင့်တူ ပါသည်။ အကုသိုလ်ကံသည်ကား ကြောက်ခဲနှင့်တူသလို ဘ၀ခန္ဓာကြီးက အိုးနှင့်တူ၏။ ထောပတ်တို့၏ သဘာဝကား ရေပေါ်၌သာတက်လာ ရိုးထုံးစံရှိသည် ရေအောက်၌မြုပ်ရိုးထုံးစံမရှိပေ ကျောက်ခဲတို့၏သဘော သည်ကား ရေအောက်၌သာမြုပ်ရိုးထုံးစံရှိ၏ ရေပေါ်၌ပေါ်ရိုးထုံးစံမရှိပေ။ ထိုကြောင့် ဘ၀ခန္ဓာတည်းဟူသော အိုးကြီးအတွင်းဝယ် ကုသိုလ်နှင့်တူသောထောပတ်များထည့်ထားပါက သက်တန်းကုန်ဆုံး၍ ဘ၀ခန္ဓာအိုးကြီး နစ်မြုပ်သွားချိန်တွင် ကုသိုလ်တရားတို့က မိမိဘ၀ကို သုဂတိဟုခေါ်သော အထက်အထက်ဘုံဘ၀တို့၌သာ ရောက်စေတတ်၏ အောက်အောက်ဒုဂ္ဂတိဘုံဘ၀တို့သို့ မရောက်စေနိုင်။ ထိုသို့မဟုတ်ပါဘဲ မိမိခန္ဓာကိုယ် အတွင်း၌ ကျောက်ခဲနှင့်တူသောအကုသိုလ်တရားများ ထည့်သွင်းထားပါက အောက်အောက်ဒုဂ္ဂတိဘုံဘ၀များ သို့သာရောက်စေပါလိမ့်မည် သုဂတိဘ၀တို့သို့ဘယ်သောအခါမှရောက်စေနိုင်မည်မဟုတ်ပေ။ အမှန်စင်စစ် ကုသိုလ်ဆိုသောတရားသည် ဘ၀၏အနှစ်သာရ အရှိဆုံးတရားဖြစ်သည်။ မိမိပိုင်ဆိုင်ပါသည်ဆိုသည့်ရွှေငွေစိန် ကျောက်စသော ပစ္စည်းဥစ္စာများ နှင့် အကုသိုလ်တရားများကား ဘ၀၏ အကာသက်သက်အနှောက်အယှက် ပင်ဖြစ်တော့၏။
ထို့ကြောင့်လောက၌ အနှစ်ကို အနှစ်ဟုမြင်တတ်ဖို့လိုသလို အကာကိုလည်း အကာဟုမြင်အောင် ကြည့်တတ်ဖို့ အရေးကြီးလှပေသည်။ အနှစ်ကို အကာဟုထင်ပြီး အကာကိုအနှစ်ဟုထင်နေလျှင်ကား အတွေးမှားအမြင်မှားများကြောင့် အနှစ်စစ်အနှစ်မှန်ကို ဘယ်သောအခါမှ ရလိမ့်မည်မဟုတ်ပေ။ အနှစ်ကိုအနှစ် ဟုမြင်တတ်ပြီး အကာကိုလည်း အကာဟုမြင်တတ်မှသာ အတွေးမှန်အမြင်မှန်များဖြင့် ဘ၀၏အနှစ်သာရများကို ရရှိနိုင်ကြပေမည်။ ထိုအနှစ်သာရရှိသော ဘ၀တန်ဖိုးများကို အမိအရယူနိုင်ဖို့ဆိုသည်မှာလည်း လူ့ဘ၀၏အဓိက တာဝန်တွေကိုစောင့်ထိန်းကျင့်သုံး နေထိုင်ဖို့အထူးလိုအပ်လှ၏။ ဗုဒ္ဓ၏ ဒေသနာတော်များ၌လည်း လူ့ကျင့်ဝတ် လူ့သိက္ခာကိုစောင့်ထိန်းခြင်းဟူသည်မှာ လောက၌ “အဓမ္မ” က “ဓမ္မ” အပေါ်မလွှမ်းမိုးနိုင်အောင် အားထုတ် ခြင်းပင်ဖြစ်သည်ဟုတွေ့ရ၏။ ထိုသို့အားထုတ်ခြင်းအားဖြင့် မိမိ၏စည်းစိမ်ဥစ္စာတွေဆုံးရှုံးချင်လည်းဆုံးရှုံးသွား နိုင်ပါသည်။ မိမိ၏ခန္ဓာကိုယ်အစိတ်အပိုင်းတွေလည်း ဆုံးရှုံးကောင်းဆုံးရှုံးသွားနိုင်ပါသည်။ နောက်ဆုံး မိမိ၏အသက်သည် ပင်ဆုံးရှုံးသွားချင်လည်း ဆုံးရှုံးသွားပေလိမ့်မည်။ သို့ရာတွင် မည်သို့ပင်ဆုံးရှုံးသွားစေကာမူ မိမိ၏တာဝန်ကို စွန့်လွှတ်ခြင်းမပြုအပ်သလို မိမိ၏တာဝန်ကိုရှောင်လွှဲခြင်းလည်း မပြုအပ်။ ဤသည်ကိုပင် သတ္တိရှိခြင်း ဟုခေါ်ဆိုရ၏။ လောကတာဝန်ကိုကျေပွန်ခြင်းဟု၍လည်းခေါ်ဆိုရ၏။ “အဓမ္မ” က “ဓမ္မ” အပေါ် မလွှမ်းမိုးနိုင်အောင်အားထုတ်ခြင်းဟူသည်မှာ ဤလောက၌ ဒုစရိုက်တရား များကင်းဝေးပြီး သုစရိုက်တရားများ ထွန်းကားလာအောင် အားထုတ်ခြင်းပင်ဖြစ်၏။ ဤသို့အားထုတ်ရန်လည်း ဆင်းရဲသူလူတန်းစား၌သာတာဝန်ရှိ ဆောင်နိုင်ရန်အတွက် လူ့လောက၌လူလာဖြစ်ရခြင်းဖြစ်၏။ လူ့လောက၌လူလာဖြစ်လာရလျှင် ဘ၀ကပေးသော ဘ၀ပေးတာဝန်တွေကို ဆောင်ရွက်ကြမည်မှာ လူ့ဓမ္မတာပင်ဖြစ်သည်။ လူဓမ္မတာအရ လူ့တာဝန်ကိုဆောင်ရွက် ရာတွင် မလုပ်သင့်သည်များကိုမလုပ်ပဲနေရဲခြင်း နှင့် လုပ်သင့်သည်များကို လုပ်ရဲခြင်းမှစရ၏။ မည်သည့်လုပ် ငန်းများသည် လုပ်သင့်သောလုပ်ငန်းများဖြစ်၍ မည်သည့်လုပ်ငန်းများသည် မလုပ်သင့်သောလုပ်ငန်းများဖြစ် သည်ကိုဆုံးဖြတ်ရာ၌ “အတ္တ” နည်းပါးမှုနှင့် “အတ္တ” ကြီးထွားမှုပေါ်မှာ အခြေခံ၍ဆုံးဖြတ်ရ၏။
အတ္တနည်းပါးလာသောအခါ မိမိအတွက် ပစ္စည်းဥစ္စာရရှိလိုမှုကိုလည်း မငဲ့ကွက်။ မိမိအတွက် အများ၏ အသိအမှတ်ပြုခံရခြင်းကိုလည်း မငဲ့ကွက်။ မိမိ၏ ထင်ပေါ်ကျော်ကြားမှုကိုလည်း မငဲ့ကွက်တော့ပေ။ ဤနေရာ၌ ပစ္စည်းဥစ္စာ ရရှိမှုကို “လာဘ” ဟုခေါ်၏။ အများ၏ အသိအမှတ်ပြုခံရမှုကို “သက္ကာရ” ဟုခေါ်၏။ ထင်ပေါ်ကျော် ကြားမှုကို “သိလောက” ဟုခေါ်၏။ အတ္တသည် တဏှာဖြင့် စွဲယူထားသော အတ္တလည်းရှိ၏။ မာနဖြင့်စွဲယူထား သော အတ္တလည်း ရှိ၏။ ဒိဋ္ဌိ ဖြင့် စွဲယူထားသော အတ္တလည်းရှိ၏။ ထို အတ္တ သုံးမျိုးလုံးသည်ပင် စစ်မှန်သော ချမ်းသာကိုအန္တရာယ်ပေးသည့် ပဓာန အန္တရာယ်များပင်ဖြစ်သည်။ ထိုတရားတို့သည် သောက နှင့် ပရိဒေ၀ တို့ကို ဖန်ဆင်းသူဖြစ်သလို ဒုက္ခ နှင့် ဒေါမနဿတို့၏ အခြေခံအုတ်မြစ်လည်းဖြစ်၏။ လာဘ သက္ကာရ သိလောကတို့ကို မိမိအတွက် ဦးစာပေး၍ စဉ်းစားသောအခါ မိမိကိုယ်ကိုချီးမြှောက်ခြင်းဆိုသော အတ္တသင်္ဂဟ မည်၏။ အတ္တသင်္ဂဟဟူသည် လောဘကြီးပွါးမှုအပေါ် အခြေခံမှဖြစ်၏။ ထိုသို့မဟုတ်ပါဘဲ လောကကို ချီးမြှောက်ခြင်း လောကသင်္ဂဟအတွက် အနစ်နာခံပြီး မိမိ၏ကိုယ်ကျိုးကိုစွန့်လွှတ်ပါက လူတစ်ယောက်အနေ ဖြင့် လူ့တာဝန်များကိုကျေပွန်စွာထမ်းဆောင်သည်မည်၏။ ဤသို့လူ့တာဝန်ကိုကျေပွန်စွာထမ်း ဆောင်ခြင်း သည် “လောဘ” ခေါင်းပါးမှုအပေါ် အခြေခံမှဖြစ်၏။ လောဘ တရားတွေခေါင်းပါးလာမှုကိုပင် အလောဘ ဟုခေါ်၏။ လူတိုင်းလူတိုင်းသာ မိမိ၏ကိုယ်ကျိုးကို အနစ်နာခံစွန့်လွှတ်ပြီး လောကအတွက် ဦးစာပေး၍ ဆောင်ရွက်ကြမည် ဆိုပါလျှင် ဤလောကဤလူ့ဘုံသည် နတ်ဘုံနှင့်မခြား ပျော်ရွှင်ဖွယ်ရာများနှင့် သာယာလှပနေပေလိမ့်မည်။ ထိုသို့မဟုတ်ပါဘဲ လူတိုင်းလူတိုင်းသည် လောကအကျိုးထက် မိမိတို့၏ ကိုယ်ကျိုးကိုသာရှေ့တန်းတင် ဆောင် ရွက်ကြမည်ဆိုပါလျှင် ဤလောက ဤလူ့ဘုံကြီးသည် ဒုက္ခအတိပြီးသော ငရဲဘုံနှင့်မခြား အမြဲတစေ ဒုက္ခတွေ ပယ်လယ်ဝေနေပေလိမ့်မည်။ ထို့ကြောင့် လောဘအရင်းခံ၍ ရွှေငွေစိန်ကျောက်စသောရုပ်ဝတ္ထုပစ္စည်း တို့အပေါ်၌ တန်ဖိုးထားမှုများကို အတတ်နိုင်ဆုံးနည်းနိုင်သမျှ နည်းပါးအောင်ကျင့်ဆောင်ကြမည်ဆိုပါလျှင် တစ်ချိန်တွင် အကာကိုလည်း အကာမှန်းသိ အနှစ်ကိုလည်း အနှစ်မှန်းသိလျှက် အသာရဆိုသောအနှစ်မဲ့တရား များကိုဖယ်ရှားကာ သာရဟုခေါ်သော အနှစ်ရှိသောတရား များကို ထုတ်ယူနိုင်ကြမည်မှာအမှန်ပင်ဖြစ်ပေတော သည်။

မောင်သီ (မြင်းမူ) 02.08.2011

ယနေ့ (၁၄-၀၈-၂၀၁၁) ၀ါခေါင်လပြည့် မေတ္တာအခါတော်နေ့ ဖြစ်သောကြောင့် ဗုဒ္ဓဘာသာဝင် မြန်မာလူမျိုးတို့ ဘုရားကျောင်း ကန်များ နေအိမ်များတွင် အလှူဒါနများကို တတ်နိုင်သမျှ ပြုလုပ်ကြသလို သဘာဝ ရာသီဥတု ဘေးဒဏ်ကြောင့် ဒုက္ခရောက်နေကြသော ပဲခူး ပြည်သူတွေအတွက် သီတဂူ သာသနာပြုအဖွဲ့ဝင် အချို့က အလှူဒါနလေးအကြောင်းကို တင်ပြချင်ပါသည်၊
အခုကဲ့သို့ မိုးတွေ နေ့စဉ်ရက်ဆက်ရွာ၊ မြစ်ရေ၊ ဒီရေတက်ချိန်ဖြစ်သောကြောင့် မြန်မာပြည်နေရာ အတော်များများမှာ ရေကြီးမှု့တွေ ဖြစ်ပေါ်နေပါတယ်။ ရေလွှမ်းမိုးတာ ခံကြရတဲ့ ပြည်သူတွေအတွက် နေရေး၊ ၀တ်ရေး၊ စားရေးတွေ အတော်လေးကို ခက်ခဲနေကြရပြီး နေစရာ၊ ၀တ်စရာ၊ စားစရာတွေမှာ ရေတွေနစ်မြှူပ် ခံနေကြရသော လူတွေအတွက် ကယ်ဆယ်ရေး စခန်းများ ဖွင့်လှစ်ပြီ ကယ်ဆယ်စောင့်ရှောက်နေကြပါသည်။
ထိုကယ်ဆယ်ရေးလုပ်ငန်းများကို ဦးဆောင်လုပ်နေသော ပဲခူးမြို့ ဥဿာ မြို့သစ်ရှိ ၀ိသိဇ္ဖကကျောင်းမှ ဆရာတော်ကြီးဖြစ်သော ဦးသူရိယထံမှ သတင်းရရှိသောကြောင့် သီတဂူသာသနာပြု အဖွဲ့ဝင် အချို့က အလှုငွေများ စုဆောင်းပြီး မေတ္တာ ကရုဏာအခါတော်နေ့နဲ့ တိုက်တိုက်ဆိုင်ဆိုင် သွားရောက် လှူဒါန်းခဲ့ပါသည်။
နေ့လည် (၁၂)နာရီခန့်တွင် ရန်ကုန်မှ သီတဂူ သာသနာပြု အဖွဲဝင်အချို့နှင့်မိသားစုဝင်များ သည် ပဲခူးမြို့သို့ ထွက်ခွာကြပြီး ဦးဆောင်ဆရာတော်ရှိရာ ဥဿာမြို့သစ်ကျောင်းသိူ့ ဦးတည်သွားရောက်ကြ ပါသည်။ ဆရာတော်မှ အလှုရှင် မိသားစုများအား ခရီးရောက် မဆိုက် ခဏနားပြီး နေ့လည်စာ ထမင်းနှင့်မုန့်များကို တည်ခင်း ဧည့်ခံကာ အလှုရှင်များအား ရေကြီး၍ ဒုက္ခရောက်နေကြသော ပြည်သူများအကြောင်း ရှင်းလင်း မိန့်ကြားနေပါသည်၊ မိန့်ကြားရာတွင် ပဲခူးမြို့ မြေနိမ့်ပိုင်းရပ်ကွက်များတွင် ရေများ ၀င်ရောက်သောကြောင့် ထိုနေရာတွင် နေထိုင်ကြသော လူများသည် ရေဘေးလွတ်ရာသို့ ပြေးလာရကြောင်း ထိုရေးဘေး ဒုက္ခသည်များအတွက် ရေဘေး ကယ်ဆယ်ရေးစခန်း(၃)ခု ဖွင့်လှစ်ကာ စောင့်ရှောက်ြကရကြောင်း၊ အခုလှူဒါန်းမည့် ကျိုက်ပွန်ဘုရား ကယ်ဆယ်ရေးစခန်းတွင် လူပေါင်း(၁၈၃၈)ယောက်ရှိကြောင်းကိုလဲ မိန့်ကြားသွားပါသည်။ ထို့နောက် ရရှိသော အလှူငွေ ပမာဏနှင့် မည်သို့လှုဒါန်း မည်ကို သီတဂူမှ ဦးသန်းလွင်၊ ဦးမြင့်အောင်၊ ဦးအောင်မြင့်သိန်းတို့နှင့်ညှိနှိုင်း တိုင်ပင်ကြလေသည်။ ရရှိသော အလှူငွေ သိန်း(၂၀) ဖြင့် သင့်တော်ရာကို စဉ်းစားတိုင်ပင်ကာ လှုဒါန်းရန် ဆုံးဖြတ်ကြပါသည်၊
ဆရာတော်မှ မိန့်ကြားသည်မှာ ဒီနေ့ ကယ်ဆယ်ရေး စခန်းတွင် တစ်နေ့တာ အဟာရ ထမင်းအလှု့ရှင် ရှိနေပါသည်၊ မနက်ဖန် (၁၅-၈-၂၀၁၁)အတွက် ထမင်းအလှု့ရှင် မရှိသေးသောကြောင့် ရရှိသောအလှုငွေထဲမှ တစ်နေ့တာ ထမင်းစရိတ် ခြောက်သိန်းကျော်ကို လှူဒါန်း အဟာရဒါနပြုရန် ဆုံးဖြတ်လိုက်ပါသည်၊ကျန်အလှုငွေများကို တကယ့်အသုံးဝင်ရန် အတွက်သာ အသုံးပြုလိုသည် နေရာ အတွက်သာ လှူဒါန်းလိုကြောင်း ဆရာတော်အားလျှောက်ထား တိုင်ပင်သောအခါ ဆန်များ လှုဒါန်းရန် ဆုံးဖြတ်ချက်ချပြီး ဆရာတော်မှ သူရဲ့ဆန်ကုန်သည် ဒကာကြီးထံ ဖုန်းဖြင့် ဆန်အိတ်ပေါင်း(၇၇) အိတ်ကို ၀ယ်ယူပြီး လူတစ်ဦးလျှင် ဆန်တပြည်နုံး လှုဒါန်းနိုင်ရန် စီစဉ်လိုက်ပါသည်၊ ဆန်ကုန်သည်မှလဲ သဒ္ဒါထက်သန်စွာ ကားခနှင့် ဆန်တပြည်ထဲ့ အိတ်များကိုပါ ပါဝင်လှူဒါန်းကာ ကုသိုလ်ယူခဲ့ပါသည်၊
ဆရာတော်နဲ့ ကျောင်းသံဃာများ အလှူရှင်များသည် ရေဘေးဒုက္ခသည်စခန်းဖွင့်ထားရာ ကျိုက်ပွန် စေတီတော်သုိ့ သွားရောက်ကြပြီး တာဝန်ယူစောင့်ရှောက်နေကြသော အဖွဲ့အစည်း အသီးသီးမှ တာဝန်ရှိသူများနဲ့ တိုင်ပင်ပြီး ဆန်များကို တပြည်တစ်အိတ်ထဲ့ကာ ကိုယ်တိုင်ကိုယ်ကျ ဝေငှ လှူဒါန်းခဲ့ ကြပါသည်၊ နောက်တစ်နေ့စာ အဟာရကိုလဲ ကျောင်းမှဆရာတော် ကိုယ်တိုင် စီမံ ကွပ်ကဲကာ ကျောင်းမှချက်ပြုတ် လှူဒါန်းပေးပါသည်။ ဆန်တွေဝေငှ ကြသောအခါတွင်လဲ ဆရာတော်ကိုယ်တိုင် စီးမံပြီး ကျောင်းသံဃာတော်များနှင့် လုပ်အားပေး လူငယ်များ က၀ိုင်းဝန်းကူညီကာ မေတ္တာ ကရုဏာ အလှူတော်လေး ကို ဖြစ်မြှောက်အောင် ၀ိုင်းဝန်းကုသိုလ် အတူတူ ယူကြသည်မှာ ပီတိ သောမနဿ ဖြစ်ရပါသည်၊
ပဲခူးမြို့တွင် ရေဘေး ဒုက္ခသည်များအတွက် သီတဂူ အဖွဲ့ဝင် အချို့မှ လှူဒါန်းငွေ စာရင်းလေးကို သဒ္ဓါပွားနိုင်အောင် ရေးသားပေးလိုက်ပါသည်၊

(၁) ဒေါ်စန်းနွဲ့ မိသားစု အလှူငွေ - ၁၅၀၀၀၀ ကျပ်
(၂) သီတဂူ ဒေါက်တာမြတ်သူ မိသားစု အလှူငွေ - ၁၀၀၀၀၀၀ ကျပ်
(အာရှတော်ဝင် )
(၃) သီတဂူ ဦးသန်းလွင် မိသားစု အလှူငွေ - ၃၀၀၀၀၀ ကျပ်
(၄) သီတဂူ ဦးမြင့်စိန် မိသားစု အလှူငွေ - ၁၀၀၀၀၀ ကျပ်
(လှဆန်းယဉ်)
(၅) သီတဂူ ဦးဝင်းအောင် မိသားစု အလှူငွေ - ၁၀၀၀၀၀ ကျပ်
(၆) သီတဂူ ဦးတင်အေး မိသားစု အလှူငွေ - ၁၀၀၀၀၀ ကျပ်
(၇) သီတဂူ ဦးအောင်မြင့်သိန်း မိသားစု အလှူငွေ - ၁၀၀၀၀၀ ကျပ်
(၈) သီတဂူ ဦးမြင့်အောင်+ဒေါ်စိုးမိုးကြည် အလှူငွေ - ၁၀၀၀၀၀ ကျပ်
(သရုပ်ဆောင်) မိသားစု
(၉) သီတဂူ ဦးပီကေဆင်း မိသားစု အလှုငွေ - ၅၀၀၀၀ ကျပ်

တို့ကို သဒ္ဓါထက်သန်စွာ လှူဒါန်းကြသလို၊ ပဲခူး ဥဿာမြို့သစ် ၀ိသိဇ္စကကျောင်းမှ ဆရာတော်ကြီးနှင့် တပည့်ရဟန်းများ၊ကလဲ လုပ်အား အလှူပါဝင်ကြပါသည်၊ ဆရာတော်ရဲ့ ဒကာကြီး ဆန်ကုန်သည်မှလဲ ဆန်ပို့ဆောင်ခနှင့် ထုပ်ပိုး အိတ်များကိုလဲ သဒ္ဓါထက်သန် လှူဒါန်းကြသောကြောင့် ဒီ သီတဂူမေတ္တာ ကရုဏာ အလှူတော်လေးသည် အောင်အောင်မြင်မြင်နှင့်လှူဒါန်းနိုင်ခဲ့ကြရပေသည်။
သီတဂူ သာသနာပြု အဖွဲ့သည် သီတဂူ ဆရာတော်ကြီးရဲ့ လမ်းညွှန်ဦးဆောင်မှု့ ဖြင့် ဒုက္ခရောက် နေကြရသော လူမျိုး ဘာသာမရွေး အချိန်နေရာ ဒေသမရွေး လှူဒါန်းနေကြသည်မှာ မိမိ ကိုယ်ကျိူးကို မဘက်ဘဲ သာသနာပြုစိတ်ဓါတ်နှင့် သာသနာပြု လုပ်ငန်းများကို ဆောင်ရွက်နေကြသည်များကို ကြည်ညို သဒ္ဓါပွားများ သာဓုခေါ်ဆိုနိုင်အောင် တင်ပြလိုက်ပါသည်၊
အလှူပွဲ လေးအောင်မြင်အောင် အဘက်ဘက်မှ ၀ိုင်းဝန်းကူညီ ကြသော ကုသိုလ်ရှင်များ ကိုလည်းအထူးကျေးဇူးတင်ရှိပါသည်၊


သီတဂူစန်းလပမာ ချမ်းမြသာယာရှိကြပါစေ။
ပန်းစပယ်(လှဆန်းယဉ်)

သူတည်းတစ်ယောက်၊ ကောင်းဖို့ရောက်မူ
သူတစ်ယောက်မှာ၊ ပျက်လင့်ကာသာ
ဓမ္မတာတည်း။

ရွှေအိမ်နန်းနှင့်၊ ကြငှာန်းလည်းခံ
မတ်ပေါင်းရံလျက်၊ ပျော်စံရိမ်ငြိမ်
စည်းစိမ်မကွာ၊ မင်းချမ်းသာကား
သမုဒ္ဒရာ၊ ရေမျက်နှာထက်
ခဏတက်သည့်၊ ရေပွက်ပမာ
တစ်သက်လျာတည်း။

ကြင်နာသနား၊ ငါ့အားမသတ်
ယခုလွှတ်လည်း၊ မလွတ်ကြမ္မာ
လူတကာတို့၊ ခန္ဓာခိုင်ကြည်
အတည်မမြဲ၊ ဖောက်လွဲတတ်သည်
မချွတ်စသာ၊ သတ္တဝါတည်း။

ရှိခိုးကော်ရော်၊ ပူဇော်အကျွန်
ပန်ခဲ့တုံ၏၊ ခိုက်ကြုံဝိပါတ်
သံသရာစက်၌ ၊ ကြိုက်လတ်တုံမူ
တုံ့မယူလို၊ ကြည်ညိုစိတ်သန်
သခင်မာန်ကို၊ ချန်ဘိစင်စစ်
အပြစ်မဲ့ရေး၊ ခွင့်လျှင်ပေး၏
သွေးသည်အနိစ္စာ၊
ငါ့ခန္ဓာတည်း။

(အနန္တသူရိယ အမတ်)

ကမ္ဘာ့ခေါင်းဆောင်ကြီးတွေလို့ အခေါ်ခံနေရတဲ့သူတွေကိုကြည့်ပါ။ ပညာတတ်ပိုင်းက လက်နက်အဆန်းတွေ တီထွင်ပေးတယ်၊ ဓနရှင်ပိုင်းက လက်နက်အရောင်းအ၀ယ်လုပ်ကြတယ်၊ အာဏာရှိပိုင်းက သတ်ဖြတ်ဖို့ အမိန့်ပေးမဆုံး ဖြစ်နေကြတယ်။ ။

(မဟာဂန္ဓာရုံဆရာတော်-အမရပူရ)

ရုပ်နာမ်ဓမ္မသင်္ခါရတို့ ကိုယ်ကဤပုံဖြစ်လိုတုန်လည်း တစ်ဖုံဆင်ကွဲသူတနဲဖြင့်
ဖောက်လွဲတက်စွာ ဓမ္မတာကို ပညာစက္ခုမျှော်ထောက်ရု့၍
ယခုကပင်လျှင် မအိုခင်က၊ ကြိုတင်ကောင်းမှု ကြိုးစားလော။
ယခုကပင်လျှင် မနာခင်က၊ ကြိုတင်ကောင်းမှု ကြိုးစားလော။
ယခုကပင်လျှင် မသေခင်ကကြိုတင်ကောင်းမှု ကြိုးစားလော

(တိပိဋက- မင်းကွန်းဆရာတော်)

ဗုဒ္ဓမြတ်စွာလောင်းလျာတုန်းက၊ နောက်ဆုံးအထိပါရမီ လူနတ်များစွာ၊
ချမ်းသာရေးမို့ ၊ အသက်ပေး၍၊ ဖြည့်ခဲ့သည်၊ ဗုဒ္ဓမြတ်စွာသာသနာအတွက်တော့၊
ငါပါအသက်ဆုံးစေမည်၊ နောက်မဆုတ်ပေါင်၊
ခုလိုတွေးလို့ ၊ ကုသိုလ်ရေးမို့ ၊ ကြိုးစားမည်၊
ဒို့ လဲကြိုးစားမည်။

(မဟာဂန္ဓာရုံဆရာတော်)

ငါးအာရုံဘင်အစု၊ ခင်မှုနဲ့နေ့ကုန်။ နင်ယခုမေ့ပုံလို၊ တွေ့မကြုံစခန်း။
ပါယ်လေးဝ သောကဘုံမှာ၊ မျောရရုံ ရှိတော့ခမန်း။
အောက်ဝီစိ သောင်အငူမှာ၊ ခေါင်းမပြူစတမ်း။
နှစ်အရှည် နစ်မည်လမ်းကိုလ၊ နင်မျှော်စမ်း နင့်ကိုယ်။
ဒေသနာထင်အလင်းရယ်နှင့်၊ နင့်အဖျင့် ပိုထက်သာပို။
သည်လောဘ စရိုက်အိုကို၊ မလိုက်လို ရှောင်ပစ်လို့၊
နောင်အသစ် တကယ်ပြင်လျှင်၊ ကောင်းဘို့အစဉ်။
ခွင့်သာခိုက်မှ မလိုက်ချင်လျှင်၊ အမိုက်နင့်ပြင် ရှိသေးလေလိမ့်လား။
ခွင့်သာဆဲမှ မခဲချင်လျှင် အလွဲနင့်ပြင် ရှိသေးလေလိမ့်လား။
ခွင့်သာတုန်းမှ မရုန်းချင်လျှင်၊ အရှုံးနင့်ပြင် ရှိသေးလေလိမ့်လား။

(လယ်တီဆရာတော်)